Та өөрийнхөө залууд хэрхэн ханддаг вэ?

Та түүнийг өөрийн мэдэлгүй үзэн яддаг. Та нарын харилцаа тун эгзэгтэй байна. Та өөртөө хайртай эрчүүдийг зайнд барихыг эрмэлздэг эмэгтэй юм байна. Хэрүүл хийхдээ та түүний биологийн онцлогийг ч боддоггүй. Бүх зүйлд түүнийг буруутгадаг. Хэрвээ та дарангуйлалд дуртай “мазохист” маягийн залуутай бол айх ч юм алга л даа. Харин үгүй бол цаг хугацаа өнгөрөхөд түүнийгээ алдах эрсдэлтэй л юм байна. Та хоёрын маргаан бүүр гаарч байдал улам л хэцүүдэх болно.

Та түүнийг тэвчин өнгөрөөдөг. Та хоёрын харьцаанд нэг их гайхалтай зүйл ч алга даа. Хэрэв тэр хүлцэнгүй зантай, таны уураа барих чадвар хангалттай бол энэ харьцаа тань удаан үргэлжлэх болно. Хэрэв танд “хүндхэн” авиртай эр учирсан бол эрт орой хэзээ нэгэн цагт байдал эвгүйдэх юм байна.

Та түүнд хайртай. Хэдий эр хүний мөн чанарыг ухаардаггүй ч гэсэн, та түүний бусад эмэгтэйчүүдийн хэзээ ч уучлахгүй сул талыг өршөөдөг л юм байна. Та түүнд “хайртай” болохоороо “ухаанаараа” бус “зүрхээрээ” түүнийг ойлгодог. Энэ нь харилцан ойлголцол, хамтын амьдралын зохицолд “эр хүний ертөнцийн хуулийн мэдлэг”-ийг бодвол илүү хүчтэй, илүү найдвартай хүчин зүйл юм шүү.

Та түүнийг ухаанаараа ойлгодог. Таны дээд боловсрол та хоёрын харилцааг тогтвортой байлгадаг. Хайр байхгүй ч гэсэн үл ойлголцол, сөргөлдөөний үндсийг таслахад эсрэг хүйстнийхээ мөн чанарыг нарийн мэдэрч ойлгодог байхад л хангалттай. Хэрэв хайр байгаа бол ийм ойлголтыг нэмчихвэл л хангалттай. Түүнийг гэсэн өөрийн мэдрэмжээ төлөвшүүлж, түүнийг ойлгож чадсанаараа та сэтгэлзүйн хямрал, элдэв маргаан үл ойлголцол, зөрөлдөөнөөс урьдчилан сэргийлэх болно.