Хаалга үүдийг минь
Дахиж битгий тогшоорой
Хацар дээрээсээ чи
Уруулын минь хээг арчаарай
Сэм хэн нэгэнд алдарсан
Сэтгэлээс чинь би явлаа
Инээд хулжсан зүрхэнд чинь
Итгэлээ үлдээгээд явлаа
Дасаж дурласан сэтгэлийг
Дахиж битгий гомдоогоорой
Шаналсан зүрх хөг орохгүй ээ
Шархлуулж бүү үлдээгээрэй
Надаас урвасан чамайг
Уучилж чадсан намайг
Нандин гэгээн дурсамж
Нулимстай минь хамт мартаарай
Бусдад алдарсан сэтгэлээс чинь
Буцаад би явлаа
Харуусал асгарах зүрхэнд чинь
Хайраа үлдээгээд явлаа
Ж.Мөнхбат