Жолооч ээжийн захидал
Сайн байна уу?
Жолооч ээжүүдийг төлөөлж би энэхүү захидлыг бичиж байна. Би 2 настай охинтой 23 настай ээж. 4 жилийн өмнө машин барьж сурсан жолооны үнэмлэхтэй ч машин барих би дургүй. Улаанбаатарын зам түгжрээтэй, стресстэй бас нүхтэй. Миний тайван инээмсэглэж явах хүсэл машинтай байх хүслээс илүү учраас би жолооны үнэмлэхтэй болсон ч машин барилгүй 4 жил болсон.
Охин минь төрснөөс хойш гадуур гарах хэрэг болох бүрт л нөхөр минь бид хоёрт үйлчилдэг халамжтай сайн аав, сайн ч жолооч бий. Дүрмээ сайн барьдаг, зам тавьж өгдөг, муйхарлаж дайрдаггүй, машин шахдаггүй, зам дээр явахдаа хараал хэлж бухимддаггүй, хурдлаж, огцом тормос гишгэдэггүй хамт явахад үнэхээр тайван тухтай байдаг. Гэхдээ охин томрох тусам хүүхдээ авч гарах бүр таксидаад, эсвэл аавыг нь дайчлаад байж чадахгүй болохоор би машин унахаас аргагүй болсон. Би зам дээр миний нөхөр шиг жолооч нар бий гэж итгээд, болно гээд гарсан боловч миний санасан шиг биш байна. Энэ яг галзуу машины уралдаан, эсвэл гладиаторын тулаан шиг л санагдаж байна. Замын нүх дайрахгүй тойрох, тойрох гээд эгнээ шилжих, эгнээ шилжихээр дохио өгөхөд урдуураа оруулахгүй гэж хурдаа нэмэх машинтай мөргөлдөхгүй байх, гэрэл ассан даруйд пуужин шиг хөдлөхийг сануулах арын машины сигнал гээд л дурдвал зам дээр олон зүйл биднийг дарамтлаж байна л даа. Гэхдээ охиноо аюулгүй тайван авч явах нь миний үүрэг болохоор сандралгүй, энэ бүхнийг тоолгүй өөрийнхөөрөө явахыг хичээх боловч "Улс төрийг чи оролдохгүй ч улс төр чамайг оролдоно" гэдэг шиг жолооч нар намайг тоохгүй өнгөрөхгүй юм. Олон дахин сигнал дарна, хажуугаар өнгөрөхдөө загнана, албаар урдуур шахна, бүгд намайг буруутгаж, чадваргүйг гайхсан харцаар харна. Машиныхаа ард "Машинд хүүхэд байгаа", "шинэ жолооч" гэсэн 2 тэмдэг наагаад ч нэмэр алга.
Гэвч та нарын буруу биш ээ. Энэ бухимдалтай зам дээр түгжээ нэмж улам бухимдал төрүүлж байгаагаа би хүлээн зөвшөөрч байна. Гэхдээ би эрэгтэй жолооч нартаа жолооч ээжүүдийнхээ өмнөөс нэг зүйлийг хэлмээр байна. Би та нар шиг мундаг жолоочийн нэг болох нөхөртөө охиноо сайн хүн болгож өсгөхийн тулд өөрийнхөө хийж чадах зүйлээ бүгдийг хийнэ гэж амласан. Тиймээс нөхрийнхөө өдрийн талыг морин жолооч хийлгэхгүйн тулд дургүй ч гэсэн машины жолоо бариад зам дээр гарч байгаа. Миний машинд дэлхий дээрх хамгийн нандин зүйлсийн нэг яваа болохоор би та бүхний муухай харцыг тоохгүйгээр цаашдаа ч тайван бас удаан явах болно.
Машинаараа гангарах дуртай ч унаж чаддаггүй бүсгүйчүүд бий байх, би тэднийг өмөөрөхгүй ээ. Гэхдээ Монголын ирээдүй жолооч ээжүүдийн машин дотор яваа учраас та "Машинд хүүхэд байгаа" тэмдэгтэй бол жаахан хүлээцтэй хандаарай бас туслаж байгаарай гэж хүсэх байна. Бид нар та нарт гай болох гэж биш тус хүргэх гэж зам дээр яваа шүү.
Сэтгэгдэл (9) | Хэвлэх | Үзсэн тоо: 27996 | | | |
Өмнөх мэдээлэл “Өөрийнхөөрөө” байх мэдрэмж үнэндээ яг ямар байдаг вэ? |
Дараах мэдээлэл 6 сарын зурхай |
www.Acyy.me - Өөрийгөө олж, бусдыг тань
Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.
Бусад
- Миний хайр - Миний эр хvн
- “Зөндөө л нулимс урсгалаа одоо хангалттай, дахиж уйлмааргүй байна” гээд өөрийгөө хатуужуулж сууна
- Над шиг 25 хүрчихээд анх ажилд орох гэж байгаа хүн байдаг болов уу?
- Бид хэзээ ч итгэлээ, хүнийг хайрлах мэдрэмжээ бүр мөсөн алддаггүй
- Энэ залуутай уулзахад надад их чөлөөтэй, найз шиг санагдаад сэтгэл их амар байдаг
Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.
Сэтгэгдэл бичих
Сэтгэгдэл
Хүүхдээ хайрлаж явах нь бол зөв шүү, түүнээс гадна эд юмыг хүнээс илүү үзэж замын нүх мүх тойрч, адилхан жолооч нарт гай болдог цөөн жолооч байдаг, тэдний нэг байна.
Ямар ч улс орны хөгжил бол хувь хүний хөгжлөөс шалтгаалдаг гэж боддог,саяхан ОХУ-ын нэг томоохон хотод явж байхад гудамжинд нь нэг ч цагдаа харагдаагүй мөртлөө жолооч нар нь замын хөдөлгөөнд маш соёлтой оролцодогийг харахад таатай байсан шүү,бүгд инээмсэглэсэн ямар ч стрессгүй,зам тавьж өгдөг,манайх шиг уралдаж оо п... минь хурдлаач гэж хараадаггүй,их гүрэн гэдэг чинь үнэхээр их гүрэн юм байна
Mashin barih bol mash ih nerwi shardsan ajil. Ylanguya mongold. Aaw mn jolooch bolhoor b haya mashin barij uur tsuhal turhuuruu aawiigaa ih boddoj uruwddug. Buhimdal turuuleh hamgiin gol shaltgaan BUDUULEG!!! baidal bie biendee zai tawiad uguhgu dairaad shahaad gerel dohio asaad 0.00001 sek bolhod signalddag, Tewcheergui,,, emegtei jolooch geed deerhledeg,, za tgd myy myyhaig durdwal ihee ih.. YADAJ BUSGUICHUUD BIE BIENDEE SAIHAN HUNDETGELTEI YAVGAAY ;) zam tawij ugj oruulj bgaa humuus ihenhi n emegtei bdagt...emegteichuudere ih baharhdag :D shuu
Миний машинд дэлхий дээрх хамгийн нандин зүйлсийн нэг яваа gdg vg xamgiin chuxal n shvv anxaaraarai jolooch naraa
үнэхээр үнэн шүү машин барьж явахаар бүдүүлэг хүлээцгүй, зөвхөн өөрөө л болж байвал болоо гэсэн бодолтой амиа хувиа хичээсэн жолооч нар зөндөө байгаа,үнэхээр бухимддаг шүү.тэд нар мундагтаа ч биш зөвхөн өөрөө л болж байвал бусад нь хамаагүй мэт аашилж байгаан.бид ч гэсэн 4 мөч бүрэн,нүдний хараа сайн юм чинь адилхан л машин барьж замын хөдөлгөөнд оролцож чадна.увайгүй бүдүүлэг жолооч нар болиосой л гэж боддог,бусдыг хайрлаж хүндэлж сурмаар.өөрсдийн хүлээцгүй хувиа хичээсэн жолооч нарын байдлаас болж осол,түгжрэл их гардаг.элдвээр хүнийг харааж зүхнэ,бороо орсон үед шавхайтай ус цацаж хурдтай өнгөрнө.хотод амьдрах бөөн стресс,хотын соёлтой амьдралд суралцаасай гэж бодогддог.
Jaahan tevcheertei bail daa gej uuriin erhgui helmeer sanagddag Niitiin unaa ni tseverhen, jolooch ni teneg hun shig davhidaggui orood suuhad jiremsen, huuhedtei hund suudal taviad ugdug bol yu gj l mashin bariad zamiin bugluu bolood yavah vee dee
яг тэгдэг шүү, шинээр жолоо барьж гарах аймшигтай байдаг барьж идэх шахдаг. Амьхандаа сайн явахыг хичээдэг, ганц зам дээр ч гэлтгүй ер нь энэ нийгэм биднийг "Дуутай явбал хэл амтай гээд, дуугүй мөрөөрөө явбал дээрэлхчих гээд" хэцүүхэн л байна.