ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Хүүхдээ хэзээ дүүтэй болгох вэ: Насны зөрүү бүрийн давуу ба сул тал

Эрүүл мэнд  | 2016 / 02 / 15

Ганц бие байхдаа хамаатнууд, ээжийн найзуудад “Найз залуутай болсон уу” гэж шалгаалгана. Харин хайраа олсныхоо дараа “Хэзээ гэрлэх гэж байна?”, гэрлэснийхээ дараа “Хэзээ маамуутай болох гэж байна?” гэсэн асуултанд жил бүрийн цагаан сараар булуулна. Тэгээд хүүхэдтэй болсныхоо дараа тэднийг одоо нэг юм “тайвширсан” болов уу гэж бодохоор ахиад л “Дүүг нь хэзээ гаргах гэж байна даа?” гэж шахаж эхэлнэ дээ. Амьдрал гэдэг чинь “шахаан” байхгүй юу, кк.

Хүүхдээ хэзээ дүүтэй болгох вэ: Насны зөрүү бүрийн давуу ба сул тал

Гэхдээ сүүлийн асуултын талаар анхны хүүхдээ өлгийдөөд удаагүй байгаа ээж болгон л боддог байх. Хэдийгээр ах/эгч дүү хоёрын хоорондох насны зөрүүнд “идеал” тоо гэж байхгүй боловч аль ч тоон дээр нь бодолцоход илүүдэхгүй зүйлс гэж бий. Хүүхдүүдийн хоорондох янз бүрийн насны зөрүүнүүдийн давуу бөгөөд сул талыг жагсааж байна.

1 насны зөрүү:
Хоорондоо ийм ойрхон зайтай төрсөн хүүхдүүд ах дүү гэхээсээ илүү найзууд мэт дотно болдог. Нөгөөтэйгүүр, хоёр хүүхдийг ойрхон төрүүлэх нь ээжийн ачааллыг ихэсгэх магадлалтай.

Боломжит давуу талууд:
Чи “сурамгай” болно: Хэдэн жилийн турш тасралтгүй дутуу нойртой хонож, нялх хүүхдийг хөхүүлэн, хоёрын хоёр нялх амьтныг “хүн болгосноороо” чи өдөр тутмын ажлуудад дэндүү сурамгай болно. Живх солих, усанд оруулах зэрэг байнга давтагддаг ажлуудад сүүлдээ түүртэхээ ч болино. Тиймээс чи тиймэрхүү жижиг сажиг ажилд нэг их цаг үрэлгүйгээр хүүхдүүдтэйгээ хамтдаа илүү дурсамжтай, сайхан зүйлсийг хийх боломжтой. Хол зайтай хүүхэдтэй ээжүүд ингэж чаддаггүй юм шүү.

Том хүүхэд чинь ээжийгээ булаацалдахгүй: 1 настай агаа, эгээ нар юу болоод байгааг бүрэн ойлгох хэмжээнд хараахан хүрээгүй байх учир гэр бүлийн шинэ гишүүнийг эсэргүүцэх магадлал багатай.

Хүүхдүүд хоорондоо ойр өснө: Дээр хэлсэнчлэн 1 жилийн зайтай төрсөн хүүхдүүд томрох тусмаа маш сайн найзууд болдог. Тэд үе тэнгийн учраас бие биенээ сайн ойлгож, хамтдаа тоглож, аливааг хуваалцаж сурдаг.

Боломжит сул талууд:
Бие чинь сульдах болно: Эхний хүүхдээ дөнгөж төрүүлэнгүүтээ ахин жирэмсэлнэ гэдэг тийм ч амар зүйл биш гэдгийг ойлгох хэрэгтэй. Бие чинь хуучны хэвэндээ эргэн ороогүй, бүрэн тэнхрээгүй байх болно. Цусан дах кальци, төмрийн хэмжээ чинь үлэмж буурсан байх учраас жирэмсний үеийн цус багадалтанд өртөх юм уу, маш их ядарч сульдаж мэднэ. Мөн хэт ойрхон ахин жирэмслэлт нь дутуу төрөлтөнд хүргэх магадлал илүү их байдаг юм. Бас чи төрөлтийн дараах сэтгэлзүйн гутралд өртөх нь илүү их байна. Тиймээс л мэргэжилтнүүд төрснийхөө дараа дор хаяж 18 сар хүлээж байгаад ахин жирэмслэхийг зөвлөдөг.

Маш завгүй өдрүүд: Биологийн шаардлагаас гадна сэтгэл зүйн чухал шаардлагуудтай чи нүүр тулах хэрэгтэй болно. Том хүүхэд чинь гараас гарах “хаа байсан хол” учраас чи нэг хүүхдэд зориулан хийдэг байсан ажлуудаа хоёр дахин үржүүлж зэрэг амжуулах хэрэгтэй болно гэсэн үг юм.

Чиний анхаарал халамж хоёр хуваагдаж болно: Нэг гартаа томыгоо, нөгөө гартаа багыгаа тэвэрч байхдаа хоёуланд нь зэрэг зуун хувь анхаарна гэдэг боломжгүй зүйл.

2 насны зөрүү:
Хоёр насны зөрүүтэй хүүхдүүд ч хоорондоо бараг л үе тэнгийнд тооцогдоно. Тиймээс тэд хамтдаа найзууд адил өсөх боломжтой. Сонирхол, тоглоом, арга барил нь хоорондоо нийцнэ. Мөн жирэмслэлт хоорондын хугацаа арай хол учраас чамд ч амар.

Боломжит давуу талууд:
Бие чинь бэлтгэгдэж амжина: Анхны төрөлтөөсөө хойш бүтэн нэг жил гаруй хугацааны дараа, өөрөөр хэлбэл жирэмсэлснээсээ хойш бараг хоёр жилийн дараа ахин жирэмсэлж байна гэсэн үг юм. Энэ хугацаанд биеэ сайтар гамнаж, асарч сувилсан л бол эхийн хувьд тэнхэрч амжих хугацаа мөн.

Дутуу төрөх магадлал бага: Хоорондоо наад зах нь 18 сарын зайтай жирэмсэлбэл хоёр дахь хүүхэд дутуу төрөх магадлал бага байдаг.

Чи өөртөө итгэлтэй байх болно: Харьцангуй ойрхон төрж байгаа учраас чи жирэмслэлт, төрөлт, нярайн асаргаанаас тийм ч их төсөөрөөгүй байх болно. Тиймдээ ч чи өөртөө туршлагатай санагдаж, айж сандрахгүй.

Боломжит сул талууд:
Дүүдээ атаархаж магадгүй: Яг хоёроос гурван настай хүүхэд дүүдээ атаархаж, ээж аавыгаа булаацалдан, түүнийг өрсөлдөгчөө гэж харах нь илүү байдаг. Үүнээс бага, үүнээс их аль ч насны зөрүүтэй ах эгчээс илүүтэйгээр хоёр настай хүүхдэд ийм мэдрэмж төрдөг гэсэн үг.

“Том” чинь буцаад нялхарч магадгүй: Дөнгөж хэлд орох гэж байтал дүүгээ хараад удаашрах, буцаад хуруугаа хөхөж эхлэх, мээмнээс гарч байснаа буцаад орох гэж зүтгэх гэх мэт.

Хэсэг хугацаанд гэр чинь “эх толгойгоо” алдана: Байнга уйлагнах нярай зулзага + Дөнгөж биеэ дааж сурах гэж байгаа хоёр настай зөрүүд хүүхэд. Энэ хоёр бол жинхэнэ шуугианы эзэд. Хэсэгтээ л гэрээс чинь уйлах дуун салахгүй байж мэднэ.

3 насны зөрүү:
Анхны хүүхэд чинь “гараас гарч” эхэлсэн байх тул эхэд харьцангуй амар байх болно.

Боломжит давуу талууд:
Төрөлт харьцангуй хялбар байна: 3 жилийн дараа дахин жирэмсэлсэн эмэгтэйчүүдэд төрөхийн хүндрэл түүнээс богино хугацааны дараа жирэмсэлсэн эмэгтэйчүүдтэй харьцуулахад бага тохиолддог.

Чамд “амар” байна: 3 настай хүүхэд өөрөө өөрийгөө саатуулаад байж дөнгөнө. Мөн харьцангуй биеэ даасан, юмны учрыг ойлгосон байна. Өөрөө шээж, бааж хүртэл чадна гээч. Тиймээс чамд ирэх ачаалал арай бага байна гэсэн үг юм. Магадгүй та хоёр том хүүхдээ цэцэрлэгт оруулж ч болох юм, тэгвэл багадаа зарцуулах цаг, анхаарал халамж хангалттай их гарна.

Боломжит сул талууд:
Тэр дүүдээ огт атаархахгүй гэсэн үг биш: Хэдий хоёр настай хүүхдээс хамаагүй дээр байх боловч ойлгож, хүлээн зөвшөөрч, дүүгээ хайрлаж эхлэхэд нь цаг хугацаа шаардагдана. Эхэндээ аав ээждээ гоморхож, анхаарлыг зөвхөн өөр дээрээ төвлөрүүлэх оролдлогыг янз бүрээр хийж магадгүй.

Том чинь буцаад нялхарч магадгүй л юм: Хоёр настай хүүхдийн адилаар гурван настай хүүхэд ч бас дүүгээ хараад буцаад ээжийнхээ энгэрт наалдаж, алхаж сурсан ч байнга тэврүүлж явахаар зөрүүдэлж мэднэ.

4+ насны зөрүү:
Том хүүхэд “тусд ороод” ирэхээр эцэг эхчүүд гэр бүлийнхээ гишүүдийн тоог хэзээ 4 болгох талаар өөрийн эрхгүй бодож эхэлдэг. Тэгвэл 4 болон түүнээс дээш насны зөрүү ах дүүгийн харилцаанд хэрхэн нөлөөлдөг вэ?

Боломжит давуу талууд:
Хоёулантай нь “тулж ажиллаж” чадна: 4 настай хүүхэд дүүдээ үнэхээр ах юм уу эгч шиг нь байж чадна. Чамд хоёр хүүхэд чинь хоёулаа нялх юм шиг санагдахгүй, харин нэг том, нэг нялх хүүхэдтэй юм шиг санагдана гэсэн үг. Тиймээс цаг зарцуулалт, ядралтын хувьд бага мөн чамд хүүхдүүдийнхээ хажуугаар ном унших, өөрийгөө хөгжүүлэх, аль нэгтэй нь ганцаарчлан тоглож, ярилцаж цагийг хамт өнгөрүүлэх боломж харьцангуй илүү олдоно.

“Архаг” ээж: Удаан хугацаанд “ээж” байгаад үзчихсэн учраас чи аль алийг нь асрах үед тохиолдох жижиг сажиг асуудалд сандарч тэвдэхгүй.

Том хүүхэд ээждээ тус болно: Биеэ даасан 4-өөс дээш насны хүүхэд дүүгээ ганцаараа харж чадахгүй байлаа ч, ядаж л хувцсыг нь өмсүүлэх, саатуулах зэрэг энгийн ажлуудад тус болж чадна. Мөн тэр өөрөө ганцаараа биеэ засаж, хоолоо идэж, сайн ярьж чаддаг болсон байх тул үүгээрээ бяцхан дүүдээ үлгэр жишээ болж өсөж том болох үйл явцад нь дэм болно.

Боломжит сул талууд:
Төрөлтийн хүндрэл гарах нь илүү түгээмэл: Учир нь ихэнх эмэгтэйчүүд 22-30 насандаа эхний хүүхдээ төрүүлээд, 4-өөс дээш жилийн дараа ахин жирэмслэх үед 26-34 настай болсон байдаг. Хэдий залуухан хэвээрээ ч гэлээ, энэ насанд тохиолдох төрөлтийн хүндрэлүүд 20-25 хүртэлх насны жирэмслэлтээс арай илүү өндөр хувьтай байдаг билээ. Гэхдээ энэ нь тийм ч ноцтой асуудал биш.

Жаахан “төсөөрсөн” байж болно: Жирэмслэх, хүүхэд төрүүлэх, нялх хүүхэд асрах ямар байдгийг бага зэрэг мартсан байх учраас эхэндээ “анхлан суралцагч”-дын адилаар болхи хөдөлж магадгүй. Бас багыгаа төрөхөөс өмнө өөртөө гаргадаг байсан чөлөөт цагаа үгүйлж мэднэ.

Хүүхдүүдийн чинь сонирхол хоорондоо нэг их таарахгүй: Тэгэхээр чи хоёуланд нь адилхан ном уншиж, адилхан кино үзүүлж, ижилхэн газруудаар хамтдаа зугаалж “бөөндөх” боломж багатай гэсэн үг. Том хүүхэддээ болон бага хүүхэддээ тус тусад нь цаг гаргаж, тус тусын сонирхолд нь нийцсэн зүйлсийг төлөвлөх шаардлагатай болно.

Дээрх жагсаалт бол зөвхөн бодолцож үзэхээс гадна сэтгэл санаагаа бэлтгэхэд зориулагдсан юм. Яг энд бичигдсэний дагуу үйл явдал өрнөхгүй ч байж болно гэдгийг санаарай.

Чи дүүг нь хэзээ гаргахаар төлөвлөж байгаа вэ?

Эх сурвалж: Бүсгүйчүүдийн онлайн найз Гоолингоо.мн - Солонгон охин
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(142)   Хаалтанд байгаа 3 оронтой тоог оруулна уу!

Сэтгэгдэл

Зочин: Miigaa.   2016-07-01
End seegii bichsen huuhnuud oorsod deeree jishee ih avch dee. Ooroo huuhed toruuleegui hun ugaasaa ger buliin talaar amar hyambar yum yarih n argaggui l dee

Зочин: Delger.   2016-02-24
Oirhon turuh n amar daa. Nas tsag hugatsaagaa bodson ch ter. Hol ussun huuhduud hoorondoo hundiiguus gadna tom bolson ch Aav Eej unguruud ugvul tegeel hariltsaagui ami amia bodood l dulaan haluun ugsgui hoorondoo yarihgui neg Tiim huiten hariltsaatai bdag. Oir ussun huuhduud niigemshih, hunii arga ev oloh, niitech baidlaas gadna alivaa zuild tuwugshuuhgui, mun haluun dulaan Ger bulseg bdag.

Зочин: Таны нэр.   2016-02-22
Ер нь насны зөрүү 4 юмуу 8 нас байвал их дажгүй санагддаг. Ээжийн биеийн амарын тал дээр ч тэр санхүүгийн тал дээр ч тэр боломжийн. Жишээ нь 4 насны зөрүү бол том нь их сургуулиа төгсөөд үргэлжлүүлээд дүү нь ороход мөнгөний асуудал бага бөөгнөрөхгүй 2,3дахь жилээс ахаас нь юмуу эгчээс нь багахан тусламж авч болно. Олон насны зөрүү байх тусам нэг нэгнээ хүндлэх сонсох боломжтой , сонирхлын зөрчил бага , нэгэнтэйгээ булаацалдахгүй.

Зочин: bi.   2016-02-21
Ер нь атаархах гэх мэт асуудлууд насны зөрүүнээс биш ямар нөхцөл байдалд байна, эцэг эх нь өөрсдөө ямар хандлагатай байна гэдгээс л шалтгаалдаг байх.

Зочин: Ganaa.   2016-02-16
Олон насны зөрүү санхүү тал дээр зүгээр санагддаг. Манай дүү арван жилээ төгсөх гэж байхад би аль хэдийн их сургуулиа төгсчихсөн. Сургалтын төлбөр ч юм уу гэрлэлт гэх мэтийн зардлууд нилээд хэдэн жилийн зайтай гарах учир эцэг эхэд дарамт бага санагддаг.

Зочин: зочин.   2016-02-16
би дүүтэйгэ бараг 10 насны зөрүүтэй.аав ээжийн хайрыг булаацалдана гэсэн ойлголт байхгүй дүү гарангуут аав ээжтэйгээ зэрэгцээд л хайлж урсана. Насны зөрүү бас хүйсний зөрүүнээс болоод ижил сонирхол ч гэх юмуу айхтар найзууд шиг дотно этэр биш. Яг л эгч дүү гэсэн харьцаатай. Миний өөдөөс маргаж муудалцахгүй хүндлэлтэй харьцдаг. Би ч гэсэн багаас нь өөрөө салхилуулж хооллож байсан болохоор бараг 2дахь ээж шиг нь л бдаг. Олон насны зөрүү нэг их муу биш ч гэсэн ерөнхийдөө зан аашийн хувьд аль аль нь айлын ганцууд шиг зан ааштай өсдөг юм бна лээ. Бас эцэг эхчүүдэдэ иймэрхүү 10аад насны зөрүүтэй хүүхэд гаргахад зүгээр санагдсан. учир нь би одоо том болоод тусдаа амьдарч байгаа бол дүү аав ээжийн дэргэд тусалж эрхэлсэн шигээ байгаа.

Зочин: ll.   2016-02-16
minii huvid shaal hudla bn. 2 nasnii zoruutei ch gsn ataarhah ntr bdgui bodoj ch uzeechgui. harin haa ch yvsan hamtdaa yvdag. duu ni egch haa yna, yu hiine yg adilhan duuraidag...

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com