ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Жирэмслэлтээс ирэх жинхэнэ давуу талууд

Эрүүл мэнд  | 2013 / 10 / 30

Ээж маань багадаа нүүрэн дээрх шар сэвхээсээ маш их ичдэг байж. Гэтэл намайг төрүүлээд нэг л өдөр толинд харахад өнөөх “ичмээр” сэвхүүд нь ор мөргүй арилчихсан байсан гэдэг. Бид жирэмслээд нэмсэн жин, харласан нүдний хүрээ, хөөж хавдсан гар хөлөндөө л анхаарал хандуулдгаас биш, уг нь маамуу чинь хэвлийд байх хугацаандаа ч ээжийгээ хөөрхөн, эрүүл, жаргалтай болгохын тулд бүх боломжоороо хичээдэг юм шүү.

Жирэмслэлтээс ирэх жинхэнэ давуу талууд
Биеийн онцлогоос шалтгаалаад эмэгтэй хүн бүрт өөр өөр давуу талууд гардаг ч гэлээ нийтлэг илрэх 9-ийг нь дурдаж байна. Нөхрөөрөө халамжлуулахыг “хэтэрхий ойлгомжтой” гээд оруулаагүй шүү.

• Илүү өтгөн, илүү эрүүл үс
Жирэмсний үеийн дааврууд үсийг өтгөн, гялалзсан, эрүүл болгож өөрчилдөг. Зарим эмэгтэйчүүдийн биеийн онцлогоос шалтгаалаад илүү хурдан ургах нь ч бий. Шингэхэн гэж гомдоллодог бол одоо л чиний үсний сэргэх цаг нь ирсэн бололтой шүү. Хүүхэдтэй болсноо мэдэнгүүтээ үсчинд очоод халзан болчихсон эгчийгээ гайхах ч хэрэг алга.

• Бат бөх хумс
Цусны даралт ихсэж, дааврыг нэмэгдүүлснээр хумс илүү бат бөх, хурдан ургадаг болно.

• Илүү том хөх
Жирэмсний тестээр шалгахаас ч өмнө хөх чинь өөрчлөгдөж эхэлсэн. Хэдийгээр хүүхэд гарсны дараа хөх жижгэрдэг гэх ойлголт байдаг ч бүх эмэгтэйчүүдэд ижил үйлчилдэггүй аж. Зарим нь хоёр дахь, гурав дахь төрөлт хүртлээ том хэмжээтэй, бүр насан туршдаа ийм хэвээрээ үлдэх нь ч бий. Ямартай ч хүүхдээ аль болох хөхөөрөө хооллож байх нь хөхийг том хэвээр нь үлдээх аргын нэгд тооцогддог юм билээ.

• Гялалзсан арьс
Тасралтгүй өсөж буй цусны даралт чамайг хацар өнгөлөгч хэрэглэх шаардлагагүй болгоно. Жирэмсний үеийн нөсөө, толбо ч гэсэн эмэгтэй хүнийг эх хүн болгоход үүрэг гүйцэтгэж буй нэгэн хэрэгсэл юм. “Эмэгтэй хүн бие давхар байхдаа хамгийн үзэсгэлэнтэй харагддаг” гэх үг зүгээр ч нэг гараагүй бололтой.

• Илүү уян зөөлөн
Жирэмсэн эмэгтэйг салан задгай, мартамхай, уймраа болдог гээд л байдаг, яг үнэндээ энэ нь хүүхэд гарахын өмнөх сэтгэлзүйн бэлтгэл гэдгийг хэн ч мэддэггүй. Хорвоо дэлхий дээр нэгэнт бяцхан амьтан гараад ирсэн л бол түүнд хангалттай хайр, сэтгэл зүрхийг өгөх ёстой. Гэтэл яг одооны бид ажил, асуудал, аймшигтай араншинтай хүмүүсээс болоод нэлээдгүй зөрүүд, гөжүүд байгаа шүү дээ. Тиймээс л төрөхөөсөө өмнө дэндүү их сэтгэл хөдлөлтэй, уян зөөлөн байж гэмээнэ хүүхэд гарч ирэхэд тохирсон эхийн хайрыг өгч чадна. Одоохондоо өдөрт хэд хэдэн удаа өөрчлөгдөж л бай. Удахгүй чи хамгийн сайхан сэтгэлтэй ээж болох болно.

• 9 сарын турш сарын тэмдэг пока!
Тампон, ариун цэврийн хэрэглэл, хувцсаар нэвтрэх, “Нэвтэрчих вий” гэж сэрэмжилж унтах, хоног тоолох, жирэмсний эмээ тогтмол ууж байгаа эсэхтээ санаа зовох гээд энэ төрлийн бүх асуудлыг ор тас март.

• Илүү сайхан секс
Жирэмсэн эмэгтэйн дааврыг хэн ч зогсоож чадахгүй. Оронд нь ч тэр!

• Хүүхдийн өшиглөлт
Хүүхэд гэдсэнд байхдаа өшиглөх бүрт ээжийнх нь зүрхний хэмнэл хурдсаж, бүх биеийн эргэлт идэвхжиж байдаг. Чамайг эрүүл байлгах хүүхдийн өөрийнх нь төрөлхийн арга гэх юм уу даа.

• Илүү зав чөлөө
Жирэмсэн байхын өөр нэг давуу тал бол зав чөлөө юм. Ууртай хүмүүсийн дунд өдөржин стресстэж ажиллахын оронд чи энд, гэртээ хамгийн хайртай зүйлтэйгээ хамт байна. Энэ л үед чи ном бичих мөрөөдлөө, цэцэг тарьж ургуулахаа, гэрээ бүр нэг цэмцийтэл нь цэвэрлэхээ, хүссэнээ идэхээ, өдөржин унтах хүслээ биелүүлж чадна шүү дээ. Насан туршдаа юу хийхээ ч олж мэдэж болно. Хүүхэд гарах хүртэлх есөн сар бол чиний амар амгалан, амьдралын баяр хөөрийн үе юм. Тиймээс үүнийг сэтгэлдээ хүртэл сайхнаар нь мэдрээрэй.

Жирэмсэн байхад өөр ямар давуу тал бий вэ?

Эх сурвалж: Охид бүсгүйчүүдийн онлайн найз Гоолингоо.мн-Зулсар
  |  
Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(784)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com