ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Жирэмсэн Гоолингоо бүсгүйн “жинхлэх” дүрмүүд

Гэр бүл  | 2013 / 07 / 10

Төрснийхөө дараа ч хүүхдээ олохоос өмнө ямар байсан яг л тэр хэвээрээ, ширхэг язралт, өөхлөлтгүй үлдэх шиг сайхан зүйл хаана байна? Энэхүү нийтлэлээ баярт мэдээгээ сонсоод удаагүй байгаа бүх ирээдүйн ээж Гоолингоочууддаа зориуллаа. Дээр хэлсэн шиг сайхан арьсаа хэвээр нь авч үлдэхийн тулд та нар яг одооноос л дараах арьс арчилгааны дүрмүүдийг өөртөө жинхлээд аваарай.

Жирэмсэн Гоолингоо бүсгүйн “жинхлэх” дүрмүүд

• Хөхөө хөөрхөн хэвээр нь авч үлдэхийн тулд баримтлах дүрэм
Жирэмсний гурван сартайгаас эхлэн хөхөө савандаж угаахгүй байвал хөхний толгой хөрсжиж. хагарахгүй болдог. Харин жирэмсний хоёр дахь хагас эхлэнгүүт өдөрт нэг удаа хөхнийхөө толгойг алчуураар арчаарай. Усанд орох бүртээ л алчуураар хөхнөөс хөхний толгой руу гадагшаа чиглэлээр эргэлдүүлэх массаж хийгээд байхад болно гэсэн үг. Энэ нь арьсны холбох эдийг бэхжүүлж хөхний арьсыг язрахгүй барьдаг байна. Мөн үүнээс гадна Е витамины найрлагатай язралтын эсрэг тос түрхэж зөөлөн иллэг хийж байх хэрэгтэй. Хөхний жин мэдэгдэхүйц нэмэгдэх үеэс дараах хоёр дасгалыг давтаж эхлээрэй.

1. Дунд зэргийн хэмжээтэй бөмбөгийг ардаа бариад гараа тэр чигээр нь дээш сунгана. Өргөсөн чигээрээ 5-10 секунд бариад буулгах бөгөөд энэ дасгалыг өдөрт 10 удаа давтаарай.

2. Жаахан охин байхдаа сурсан хөх чангалах дасгал байдаг даа? Хоёр гараа хуруунаадаараа салаавчилж бариад хөхөн тушаа газартаа чангалж, булчингаа хөгжүүлдэг? Яг энэ дасгалаа жирэмсэн болсон хойноо ч гэсэн хийж байгаарай. Нэг чангалахдаа 15 секунд болох бөгөөд мөн л өдөрт 10 удаа хийнэ.

• Гэдсээ гоёхон хэвээр нь хадгалахын тулд баримтлах дүрэм
Өдөр бүр гэдсээ усаар шүршиж байвал сунах чадвар нь ихэсдэг байна. Хэрвээ эмч чамд ваннанд усанд орохыг хориглоогүй бол усандаа 5-10 стакан сүү, гурван цайны халбага миндалийн тос нэмж хутгаарай. Ингэвэл гэдэсний арьсны уян хатан чанар мөн л сайжрана. Харин уснаас гарсныхаа дараа язралтын эсрэг тос түрхэж сайтар шингээснийхээ дараа эрхий хуруугаараа бага зэрэг улайтал нь хөнгөхөн хөнгөхөн дарах хэрэгтэй. Энэ нь улам бүр томорч байгаа хүүхдийн “ачаалал”-ыг даахад туслах юм. Үүнээс гадна жирэмсний үеийн хоолны этгээд хүслээ зөв тийш нь чиглүүлж эрүүл хооллолтын дүрмийг баримталж чадвал гэдэс чинь тийм ч их язрахгүй. Жимс, хүнсний ногоо гэх мэт шингэц сайтай хүнс байнга хэрэглээд тосоо сайн түрхээд явахад л болно гэсэн үг.

• Хөлөө “хөгжилтэй” чигээр нь авч үлдэхийн тулд баримтлах дүрмүүд
Судас нь бүдүүрсэн хөл ямар “уйтгартай” харагддаг гэж санана? Ямартай ч түүн рүү удаан хараад баймааргүй уйтгартай байдаг аа. Жирэмсний үед хөлөнд ирэх ачаалал ердийнхөөс 10-15 кг-аар нэмэгддэг. Ийм үед хэвийн хэмжээнээсээ 1.5 литр илүү цус хөлийн судсуудаар “гүйх” шаардлагатай болдог байна. Тиймээс хөлөө “хөгжилтэй” хэвээр нь авч үлдэхийн тулд бүгдээрээ дараах дүрмүүдийг хэрэгжүүлж эхэлцгээе!

1. Усанд орсныхоо дараа массажны сойзоор эсвэл гараараа хөлийнхөө булчинг дээш доош нь гүйлгэж, иллэг хийгээрэй. Зориулалтын тос, гель ашиглаж болно.

2. Хөлд эвтэйхэн, намхан өсгийтэй, бага зэрэг сул, дотор нь “амьсгалж” болохуйц гутал л өмсөөрэй.

3. Хэтэрхий удаан зогсож ачаалал нэмэх хэрэггүй. Аль болох суудал дээр сууж бай.

4. Хэвтэхдээ хөлийнхөө дор дэр тавих хэрэгтэй. Энэ нь судсаар их цус гүйхээс сэргийлэх юм.

Өдөр бүр таны хэлж буй сайхан үгс бүтэж Өлзий болтугай. Like дарж ӨЛЗИЙ-ийн хуудаст нэгдээрэй.

Эх сурвалж: Охид бүсгүйчүүдийн онлайн найз Гоолингоо.мн-Зулсар
  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(896)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com