ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Батгыг эмчлэх шинжлэх ухааны аргыг нээжээ

Гоо сайхан  | 2012 / 10 / 01

Батгыг эмчлэх олон төрлийн арга байдаг. Гэхдээ тэднээс хамгийн гол нь өөртөө тохирсоныг сонгох нь чухал. Мөн батга гаралтыг зохицуулж, удирдаж болохоос батга гарах шалтгааныг бүрмөсөн устгах боломжгүй гэдгийг онцлох нь зүйтэй байх.

Батгыг эмчлэх шинжлэх ухааны аргыг нээжээ

Гормоны үйлчилгээтэй эм хэрэглэж батгаа багасгадаг гэж дуулсан. Энэ хэр үр дүнтэй вэ?
Гормон батга хоёрын хооронд нягт холбоо бий гэдгийг өсвөр насны хүүхдүүд сайн мэдэх байх. Зарим эмэгтэйчүүдийн хувьд сарын тэмдэг ирэхийн өмнө болон дараа нүүрэн дээр юм гарах явдал тохиолддог. Энэ ч бас гормоны хэлбэлзлээс үүдэлтэй. Тестостерон гэх мэт гормоны нэгдэл андрогены хэмжээ ихэссэнээр тосны ялгаралт нэмэгдэж, батга үүсэх шалтгаан болох нь бий. Тиймээс эстроген болон прогестероны найрлагатай жирэмснээс хамгаалах эм хэрэглэх нь тослогжилтыг багасгадаг. Гэхдээ энэ эмчилгээ нь хүн болгонд тохирохгүй гэдгийг санах хэрэгтэй. Гормоноос биш, дотоод эрхтэн, арьсны бурууа арчилгаа зэргээс болж үүссэн батгыг эмээр эмчлэхийг оролдох нь харин ч сөрөг нөлөө үзүүлж болно. Тиймээс эмчид хандаж, шалтгааныг нь зөв тодорхойлуулах нь зөв.

Батгыг эмчлэх лазерын арга байдаг гэсэн. Тэр ямар учиртай юм бэ?
Хөх туяаны болон, химийн гуужуулалт гэх мэт хэд хэдэн төрлийн лазерын эмчилгээ бий. Гэхдээ дотоод эрхтний үйл ажиллагаа болон, тослогжилтоос болж үүссэн батгыг ингэж зөвхөн гадна талаас нь нэг дор эмчилснээр гарсан батгыг эмчилж болох ч, дахин гаралтыг зогсоож чадахгүй. Түргэн хугацаанд эмчлэгдэхийг хүссэн хүмүүс энэ аргыг хэрэглэдэг ба бусад эмчилгээг хэт удаан гэж үздэг. Гэхдээ лазерын эмчилгээний жинхэнэ үр дүн ч бас 4 долоо хоногийн дараанаас л гарч ирнэ. Мөн зарим төрлийн эмчилгээ нь арьсны давхаргыг нимгэлж, өнгийг өөрчлөх сөрөг нөлөө илэрдэг учраас юуны түрүүнд эмчтэйгээ сайн ярилцах хэрэгтэй.

Батганы бүтээгдэхүүн худалдаж авахдаа, аль нь сайн гэдгийг бид тэр бүр мэддэггүй. Тиймээс батганы эсрэг шилмэл найрлагуудын тухай орууллаа.

Aлфа гидроксийн хүчил (AHA). AHA бодис нь арьсны нүхийг бөглөж батга үүсэх нөхцөл болдог үхэжсэн эд эсийг гуужуулж зөөлөн толигор болгодог. Энэ хүчлийг нүүрнийхээ арьсан дээр бүхэлд нь түрхэж болдог. AHA-д гликолын болон сүүн хүчлүүд багтдаг.

Бензол пероксид. Энэ бол одоогоор шинжлэх ухаанд нээгдээд байгаа хамгийн үр дүнтэй найрлага юм. Батга үүсэхээс хамгаалахаас гадна, эмчлэх үйлчилгээтэй. Учир нь бензол пероксид нь нянгуудыг устгаж, илүүдэл тосыг арилгаж, үхэжсэн эд эсийг гуужуулдаг. Лосьон, тос, гел зэрэг батганы эсрэг бүтээгдэхүүнүүдэд 2.5-10 хүртэлх хувиар агуулагддаг. Өөрийн арьсны онцлогт тохируулан тохиромжтой хэмжээний бензол пероксидтой бүтээгдэхүүн хэрэглээрэй.

Шавар. Шавар бол арьсыг тайвшруулах үйлчилгээтэй найрлага юм. Үрэвслийн эсрэг үйлчилгээг нь бодолцож ихэвчлэн масканд ашигладаг. Шавар нь түр хугацаагаар илүүдэл тосны ялгарлыг багасгаж, арьсыг зөөлрүүлдэг юм.

Салицилийн хүчил. Энэ бета-гидроксийн хүчил нь маш үр дүнтэй бөгөөд, хүчтэй бодис юм. Энэ хүчил нь арьсны нүхний доторхыг гуужуулснаар нүхийг цэвэрхэн болгодог. Салицилийн хүчил нь аспирины төрлийн бодис бөгөөд үрэсвлийн эсрэг үйлчилгээтэй учраас гликолын хүчилээс илүү сайн гэж эмч нар үздэг. 2 хувийн салицилийн хүчилтэй бүтээгдэхүүн хэрэглэхийг зөвлөе.

Сульфур. Энэ минерал нь илүүдэл тослог ялгаралтыг багасгаж, үхэжсэн арьсыг гуужуулдаг. Сульфур нь батгашилт болон rosacea /улаан батгашилт/-ын хосолсон эмчилгээ хайж байгаа хүмүүст илүү тохиромжтой. Ялзарсан өндөг шиг үнэртэй тул бүтээгдэхүүнд хэрэглэхдээ үнэрийг нь дарах нэмэлт найрлага оруулж өгдөг.

Цайны модны тос. (tea tree oil) Байгалийн гаралтай батганы эсрэг үйлчилгээтэй энэ бодис нь нянг устгах, үрэвслийг багасгах, батгашилттай арьсыг тайвшруулах шидтэй. 5 хувийн цайны модны тос нь 3 хувийн бензол пероксидтой дүйцүүлэх хэмжээний хүчтэй гэж үздэг. Гэхдээ энэ тос нь эмзэг арьстай хүнд харшил өгч мэдэх тул арьс өнгөний эмчийн зөвлөгөөтэйгөөр хэрэглэх нь зүйтэй.

Исотретинон. Исотретиноныг А амин дэмээс гаргаж авдаг ба зарим нэг төрлийн батганд нөлөөлдөг. Нүхний бөглөөсийг гаргаж, тосны булчирхайг агшаах үйлчилгээтэй. Жирэмсэн эмэгтэй хэрэглэвэл төрөлтийн гажигтай хүүхэд төрөх магадлал өндөрсдөг учраас эмчийн хяналтан дор хэрэглэх нь зүйтэй.

Дээрх найрлагуудаас хамгийн аюулгүй бөгөөд үр дүнтэй нь салицилийн хүчил, бензол пероксид, AHA гурав болох нь батлагдсан юм. Салицилийн хүчил, бензол пероксид хоёрыг тохиромжтой хэмжээгээр агуулсан үрэвслийн эсрэг үйлчилгээтэй бүтээгдэхүүнүүд Clean&Clear-т байдаг.

Clean & Clear+Like хөтөлбөрөөс охид бүсгүйчүүдийн арьс арчилгааны тухай мэдлэгт зориулан бэлтгэсэн цувралын 11 дэх нийтлэл. Цувралын бусад нийтлэлүүдийг уншихыг хүсвэл энд дараарай.

Өдөр бүр баярлах зүйл тохиолддогLike дарж баярлалаа хуудаст нэгдээрэй.

Эх сурвалж: Охид бүсгүйчүүдийн онлайн найз Гоолингоо.мн
  |  
Өмнөх мэдээлэл
10-р сарын зурхай
Дараах мэдээлэл
Дурлаж үзсэн тоглолт минь...

Сэтгэгдэл бичих

Бусдыгаа хүндэлж эелдэг байгаа танд баярлалаа.

(472)   Хаалтанд байгаа 3 оронтой тоог оруулна уу!

Сүүлийн сэтгэгдэл

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com