ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Бие давхар болохдоо эртнээс бэлдэцгээе

Гэр бүл  | 2012 / 09 / 26

Яагаад хөл хүнд болохдоо бэлдэх ёстой вэ?

Бие давхар болохдоо эртнээс бэлдэцгээе

Эмэгтэйчүүд ихэвчлэн эхний 3, 4 долоо хоног өнгөртөл жирэмсэн болсноо мэдэлгүй явдаг. Гэтэл энэ өдрүүдэд ургийн гол эрхтэн, яснууд явж байтал аль хэдийн бүрэлдээд эхэлчихдэг. Зарим төрлийн муу зуршил, өвчин, эм тариа нь чамайг жирэмсэн болсноо мэдээ ч үгүй явж байтал урагт чинь муугаар нөлөөлж болно. Хүүхдээ аюулгүй орчинд бүрэлдүүлэхийн тулд чи эртнээс хөл хүнд болохдоо бэлтгэх ёстой.

Би хооллолтондоо өөрчлөлт оруулах ёстой юу?
Броколли мэтийн ногоон навчит ногоо, жүрж, гадил жимс гэх мэт фолийн хүчилээр баялаг хоол хүнс хэрэглэж заншаарай. Мөн чи хангалттай хэмжээний төмөр, кальци агуулагдсан хүнс хэрэглэх ёстой. Өдөрт хоёроос илүү аяга кофе, 6-аас дээш аяга цай, хийжүүлсэн ус ууж болохгүй.

Генийн өвчлөлийн талаар би юу мэдэх ёстой вэ?
Нас нэмэх тусам, ялангуяа 35-аас дээш насанд хүүхэд төрүүлэх гэж байгаа бол генийн өвчлөлийн талаар сайн мэдлэгтэй байх хэрэгтэй. Учир нь энэ наснаас хромсомын болон генийн өөрчлөлттэй хүүхэд төрөх магадлал өндөрсөдөг. Тиймээс энэ төрлийн шинжилгээг ч бас жирэмсэн байхдаа хийлгэж байх нь зөв юм.

Халдвар авахаас яаж сэргийлэх вэ?
Жирэмсэн эмэгтэй муурны ялгадас цэвэрлэж болохгүй. Мөн цэцэг арчилдаг бол бээлий өмсөж байх нь зүйтэй. Мөн түүхий мах, шүүрхий стейк, сүши идэж болохгүй. Эдгээр нь хүүхдийг төрөлтийн гажигт хүргэдэг “toxoplasmosis”-ын халдварыг бий болгодог юм.

Жирэмсэн болохдоо эртнээс бэлдэх ёстой зүйлс:

1. Хэрэв илүүдэл жинтэй бол жингээ хэвийн болго. Судалгаагаар жирэмсэн болохоосоо өмнө илүүдэл жинтэй байсан бүсгүйгээс төрөлтийн гажигтай хүүхэд төрөх магадлал өндөр байдаг нь тогтоогджээ. Зөв хооллож сайн дасгал сургуулилт хийж эхлэ. Мөн хэрэв та гадаадад далайтай ойр газар амьдардаг бол мөнгөн ус ихтэй загас (сэлмэн загас гэх мэт) идэхээс татгалз. Биед чинь хуримтлагдсан мөнгөн ус хүүхдэд чинь сөргөөр нөлөөлнө. Зөвхөн илүүдэл ч биш, жингийн дутуудалд орсон.
Хэзээнээс: Хүүхэдтэй болохоор төлөвлөснөөсөө нэг жилийн өмнөөс эрүүл амьдралын хэв маягт шилжих хэрэгтэй. Учир нь жингээ хасч, бие дэх хорт бодисо гадагшлуулах нь урт хугацаа шаарддаг.

2. Тамхийг хая. Хайртыгаа ч бас тамхинаас гарга. Тамхи чиний биед яаж муугаар нөлөөлдөг, яг түүн шиг хүүхдэд чинь ч бас нөлөөлнө. Шинэ судалгаагаар, хэвлийд байхдаа дам болон шууд тамхидалтанд өртсөн хүүхдүүд тайван биш, уур уцаартай, шалтгаангүй стресстэй болж өсдөг нь тогтоогдсон. Мөн анхаарал төвлөрүүлэх чадвар болон оюуны чадамж муутай хүүхдүүд болох эрсдэл өндөртэй аж. Бие давхар байхдаа тамхи татах нь савны гадуурх жирэмслэлт болон дутуу төрөлтийн эрсдлийг ч нэмэгдүүлдэг гэдгийг чи мэдэх байх.
Хэзээнээс: Наад зах нь хүүхэд олохоос 10 сарын өмнөөс өөрийгөө тамхигүй орчинд байлгах хэрэгтэй.

3. Эмчид үзүүл. Өөрийгөө жирэмсэн болоход бэлэн эсэхээ мэдэхийн тулд эмчид үзүүлэх хэрэгтэй. Өндөр даралт, чихрийн шижин, астма зэрэг өвчтэй бол эртнээс эмчтэйгээ ярилцаж арга хэмжээ аваарай. БЗХӨ, бамбай булчирхай болон улаан бурхан зэрэг өвчнүүдээс дархлаатай эсэхээ шинжлүүлэх хэрэгтэй. Бүх хэрэгтэй вакцтинуудыг эртнээс хийлгэ. Учир нь зарим вакциныг тарьсан бол 6 сарын дараанаас жирэмслэх хэрэгтэй болдог.
Хэзээнээс: Төлөвлөснөөсөө 7 сарын өмнөөс үзүүлэх хэрэгтэй. Энэ хугацаанд өвчнүүдийг төгс эмчлэх боломжтой.

4. Шүдний эмчид үзүүл. Амны хөндийн төрөл бүрийн өвчлөл нь урагт нөлөөлдөг. Тиймээс шүд буйлаа эрүүл болгосны дараа жирэмслэх нь тун чухал.
Хэзээнээс: 5 сарын өмнөөс. Энэ хугацаанд амны хөндийн өвчлөлүүдийг эмчилж амжина.

5. Жирэмснээс хамгаалах эм уухаа боль. Жирэмснээс хамгаалах эмийн нөлөөгөөр чиний биед гормоны хэлбэлзэл явагдсан байдаг. Хүүхэд олдохоос өмнө тэдгээр хэлбэлзлийн нөлөөгөөр үүссэн илүүдэл гормонууд биеэс чинь цэвэрлэгдсэн байх ёстой. Түүнчлэн жирэмснээс хамгаалах эм хэрэглэхээ больвол үтрээний булчин чангарч, урагт илүү сайнаар нөлөөлдөг.
Хэзээнээс: Жирэмсэн болохоосоо 3 сарын өмнөөс.

6. Фолийн хүчилтэй жирэсний амин дэмүүд ууж эхлэ. (өдөрт дор хаяж 400 mcg-ийг). Хангалттай хэмжээний фолийн хүчил авах нь ургийг мэдрэлийн сувгийн гажигтай болохоос сэргийлдэг. Мөн жирэмсний эхний долоо хоногийн үед B6 агуулсан мултивитамин уувал хордлого болох нь бага байдаг. Жирэмсний амин дэмд агуулагдах цинк нь жирэмсэн болох магадлалыг өндөрсгөдөг.
Хэзээнээс: Жирэмсэн болохоосоо хоёр сарын өмнөөс ууж эхлээрэй. Тэгвэл ураг бүрэлдэж эхэлмэгцээ хэрэгтэй амин дэмүүдээрээ хангагдаж эхэлнэ.

7. Архи, согтууруулах ундаанаас татгалз. Оройн хоолон дээрээ, эсвэл найзуудтайгаа хааяа нэг уулзахдаа дарс шимчихдэг бол жирэмсэн болох талаар бодож эхэлмэгцээ боль.
Хэзээнээс: Яг одооноос.

8. Мөнгө хурааж эхлэ. Жирэмсний болон төрөлтийн эхэн үед их хэмжээний төлөвлөгдөөгүй зардлууд гарч эхэлдэг. Тиймээс хүүхэдтэй болох талаар ханьтайгаа ярилцаж эхэлмэгцээ дансанд мөнгө хадгалуул. Түүнчлэн жирэмсний сүүлийн саруудаас авахуулаад хүүхдийг нэг ой өнгөртөл ээж нар ажил хийж болохгүй. Энэ үед гэр бүлийн санхүүг эр нөхөр нь дангаараа хариуцах хэрэгтэй болдог учраас хүндрэл бэрхшээл гарах нь энүүхэнд. Бүх зүйлд бэлтгэлтэй байвал жирэмсний үед стрессгүй, амар тайван байх болно.
Хэзээнээс: Жирэмсэн болохоосоо нэг жилийн өмнөөс.

Эх сурвалж: Охид бүсгүйчүүдийн онлайн найз Гоолингоо.мн
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(468)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com