ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Чамайг “суллах” 9 хүнс

Хоол хүнс  | 2012 / 07 / 19

Эслэг багатай хүнс л чиний өтгөн хаталтын шалтгаан болж байгаа. Эдгээр эслэг ихтэй хүнсийг өдөр тутмынхаа хооллолтонд оруулснаар чамд дахин "хүнд" мэдрэмж төрөхөө болино.

Чамайг “суллах” 9 хүнс

Бүх хүнд л өтгөн хатах үе байдаг. Сүүлийн үед 00-ын өрөөнд хэтэрхий удаан суугаад байгаа бол, эсвэл дотор чинь бөөгнөрсөн хүнс гадагшилж өгөхгүй байвал хоол боловсруулах, шингээх тогтолцоо чинь муу байгаан шинж юм. Ихэвчлэн өтгөн хатах нь эслэгийн хэрэглээ бага байгаагийн үр дүн бөгөөд, хооллолтондоо эслэг ихтэй бүтээгдэхүүнийг түлхүү оруулах нь үүнийг эмчлэх энгийн арга юм. Дундаж насны том хүн өдөрт 25-30 гр эслэг идэх ёстой байдаг. Гэхдээ гэнэт л эслэгийнхээ хэмжээг огцом өсгөөд эхэлвэл гэдэс хийгээр дүүрдэг тул, аажим аажимаар дараах 9 хүнсийг хэрэглэж занших хэрэгтэй.

1.

Чихэрний оронд жимсгэнэ сонго
Хэрэв чи “чихэрний охин” бол шоколад, карамель идмээр санагдах үедээ оронд нь жимсгэнэ ид. Нэрс, гүзээлзгэнэ, хад, бөөрөлзгөнөөс аль хүссэнээ сонгож идээрэй. Эдгээр нь бүгд эслэг ихтэй жимснүүд. Хагас аяга шинэхэн гүзээлзгэнэ 2 гр эслэг агуулдаг бол, ижил хэмжээний нэрс нь 3,8 гр, бөөрөлзгөнө нь 4 гр эслэгтэй. Жимсгэнүүд нь калори багатай учраас нэг том аяга дүүрнийг ч идэж болно. Тиймээс оройн хоолныхоо дараах дессертээр нэг аяга жимсгэнэ дээр тослог багатай крем, юм уу тараг хийж, хутгаад идээрэй.

2.

Тосгүй попкорн
Гэхдээ кино театрт худалдаалагддагийг биш, харин гэртээ шарах шүүгээнд халааж болгосон элдэв амтлагч, тосгүй попкорн идвэл сайн. Энэ нь хүнсэндээ эслэгийг оруулах калори багатай арга юм. Учир нь давс болон тос нь попкорны ашигтай талыг үгүй хийдэг. Тэрнээс биш, попкорн бол тэр чигтээ бүхэл үр л гэсэн үг.

3.

Шош бол эслэгийн “уурхай”
Ямар ч төрлийн шош нь ихэнх хүнсний ногооноос хоёр дахин их эслэг агуулдаг. Тиймээс оройн хоолныхоо хачирт бөөрөн болон цагаан шошийг тогтмол оруулах нь өтгөн хаталтыг бүрэн арилгана. Хагас аяга navy шош нь 9,5 гр эслэг агуулдаг бол ижил хэмжээний бөөрөн хэлбэртэй шош нь 8,2 гр эслэгтэй. Лимийн болон, пинто шошнууд нь эднээс арай бага боловч, 6-гаас дээш грам эслэг агуулна. Шошийг ямар ч шөл, салатанд хийж болдог учраас “уян хатан” хүнс юм.

4.

Эрүүл хатаасан жимс
Инжир, чавга, абрикос, үзэм зэрэг хатаасан жимснүүд нь хүнсний эслэгээр дүүрэн бөгөөд өтгөн хаталтанд эерэг нөлөөтэй. Ялангуяа чавга жимсэнд эслэгээс гадна, сорбитол хэмээгч байгалийн туулга хэмээгддэг нүүрс ус агуулдаг тул чамайг тэр дор нь суллана.

5.

Бүхэл үрийн талх
Хоолтойгоо хольж иддэг, эсвэл өглөө шарж иддэг талх чинь бүхэл үрийнх байх ёстой. Өөх тос багатай, эслэг ихтэй, нийлмэл нүүрс ус ихтэй бүхэл үрийн талхнууд нь ч бас чиний сайн “эмч” болох болно.

6.

Брокколи
Броколли буюу бууцай нь шошны адилаар эслэгийн их уурхай. Түүнчлэн калори багатай мөртлөө тэжээллэг чанар өндөртэй ногоо юм. Ер нь ямар ч хүнсний ногоог түүхийгээр нь угааж цэвэрлээд хэрэглэх нь сайн байдаг учир нь ногоог чанавал эслэгийнх нь хэмжээ багасдаг юм. Хэрвээ чи ногоогоо болгож идэх дуртай бол, ууранд жигнэх юм уу буцалгах нь хамгийн зөв арга юм.

7.

Чавга, лийр, алим гуравтай нөхөрлө
Өтгөн хаталт нь чиний биеийг хөөсөн юм шиг мэдрэмж төрүүлж мэднэ. Дээрх гурван жимс нь бас л чиний асуудлыг арилгаж чадах шидтэй. Ялангуяа энэ гурван жимсийг хальстай нь идэх хэрэгтэй. Хальсанд нь л ихэнх эслэг нь агуулагддаг болохоор тэр. Хальстай дундаж хэмжээний алиманд 3,3 гр эслэг байдаг бол, жижгэвтэр лийрэнд 4,4 гр бий.

8.

Өөрийгөө самраар хүрээлүүл
Эслэгийн хэмжээ өндөртэй өөр нэг бүтээгдэхүүн бол самар. Хамгийн сайн нь бразил самар, газрын самар, бүйлс болон хушга юм. 30 гр бүйлс самар нь 3,3 гр эслэгтэй ба ижил хэмжээний пекан самар 2,7 граммыг агуулдаг. Гэхдээ тийм ч их идэх хэрэггүй. Учир нь самар нь калори ихтэй хүнс юм. Өдөрт нэг атга дүүрнийг идэхэд л хангалттай.

9.

Хальстай нь чанасан төмс
Хальстай нь чанасан нэг ширхэг төмсөнд 4.8 грамм эслэг агуулагддаг. Мах чанахдаа хажууд нь хальстай нь чанасан төмсөөр хачирлаж идэж байгаарай. Эсвэл хальстай нь чанасан төмсийг амтлаад нухаж хэрэглэж болно. Гэхдээ калорийн хэмжээ өндөр шарсан төмснөөс татгалзах хэрэгтэй. Үүний оронд төмсөө дөрвөлжилж хэрчээд, дээр нь бага зэрэг оливийн тос цацаж, шаржигнуур болтол нь шарах шүүгээнд болгоод идсэн нь дээр. French fries-аас дутахгүй амтагдах болно.

Эх сурвалж: Охид бүсгүйчүүдийн онлайн найз Гоолингоо.мн
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(733)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com