ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

“Яаж ч болохгүй зүрх сэтгэл” гэх мэт шалтаг тавьж эхнэртэй хүмүүстэй явж болохгүй шүү!

Миний амьдрал  | 2012 / 07 / 07

Би 20 гаруйхан насандаа нэг эхнэртэй хүнтэй явдаг байлаа. Тухайн үедээ сайн мууг ялгаж мэдэхгүй тэнэг амьтан байсан болохоор эхнэр нь гэж надтай адил эмэгтэй яаж зовж шаналж, нөхрөө хүлээж гэрэлтэй цонхны манаач болж, гомдож цөхөрсөн сэтгэлээ нулимс болгон асгаж байгааг огт мэддэггүй, анзаардаг ч үгүй байлаа.

“Яаж ч болохгүй зүрх сэтгэл” гэх мэт шалтаг тавьж эхнэртэй хүмүүстэй явж болохгүй шүү!
Тэгээд би нэлээн хэдэн жилийн дараа тэр хүнээс салсан юм. Гэхдээ л би одоо хүртэл ээж хад ч юм уу, гуйж залбирах газар бүрт очихдоо заавал тэр жилүүдийн нүглийг минь уучлахыг бурхнаас гуйдаг. Одоо ч би тэр эмэгтэйг бодохоос гол минь харлаж, өөрийгөө хараан зүхдэг. Гэвч нэгэнт хийсэн нүгэл болохоор яалтай ч билээ. Одоо би хүнтэй суугаагүй ч найз залуутай. Гэхдээ хүнтэй суусан ч гсн тэр хүн минь намайг хэзээ нэгэн цагт араар минь тавьж зовоолоо гэхэд би “нүгэл минь нүдээрээ гарч байна даа.. үйлйин үр гэж энэ байх даа” л гэж бодно гээд хувь тавилантайгаа эвлэрчихсэн байгаа. Хэдийгээр би тэр үед гэнэн тэнэг байсан ч тийм тэнэг зүйл хийсэндээ одоо үнэхээр харамсдаг. Тэгээд бас охин хүүхэдтэй эмэгтэйчүүдэд охиндоо ийм зүйл хийж болохгүй, ямар учиртай вэ гэдгийг сайн хэлж сануулаасай гэж хүсдэг. Одоо бол надад өчнөөн олон эхнэртэй хүн элдвийн санал тавьдаг ч би тэднийг нэг нүдээрээ ч хардаггүй. Бүсгүйчүүд “яаж ч болохгүй зүрх сэтгэл” гэх мэт шалтаг тавьж эхнэртэй хүмүүстэй явдаг. Ийм эмэгтэйчүүдэд хожмын өдрийн харуусал, үйлийн үр гэдгийг санаж ийм зүйл битгий хийгээчээ гэж хүсмээр байдаг. Эмэгтэйчүүд бид бүгдээрээ л эмзэг сэтгэлтэй. Бид ямар их хайрлаж, итгэж, өөрийн гэсэн эр хүнээ хэчнээн их харамлаж, итгэж явдаг билээ. Гэтэл тэр бүхэн нь нэг л өдөр нуран унахад ёстой уйлах багадах үхэх ихдэх болно шүү дээ. Ингээд л сэтгэлээсээ болоод өвчний үүр уурхай болдог. Тийм болохоор тэнд нэг эмэгтэй нулимсаа арчиж, өр нь өмөрч, гол нь харлаж суугаа гэдгийг бодоод нөхөртэй, найз залуутай эрчүүдтэй битгий орооцолдооч гэж гуймаар байна. Айл гэр бүл бүхэн аз жаргалтай байж, хүүхэд бүр нь инээд хөөрөөр дүүрэн байхад эмэгтэйчүүд бидний ухаан, бидний хатуужил хамгаас их хэрэг болно... бүсгүйчүүдээ ухаалаг байцгаагаарай... над шиг насан туршдаа шаналж явах алдаа битгий хийгээсэй л гэж хүсэх байна даа..
Өдөр бүр баярлах зүйл тохиолддогLike дарж баярлалаа хуудаст нэгдээрэй.

Эх сурвалж: Охид бүсгүйчүүдийн онлайн найз Гоолингоо.мн-д ирүүлсэн захидал
  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(906)   Хаалтанд байгаа 3 оронтой тоог оруулна уу!

Сүүлийн сэтгэгдэл

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com