ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Бэлэн байгаарай: Түүнийг гэрлэх санал тавих гэж байгааг илтгэх шинжүүд

Хайр & секс  | 2012 / 07 / 02

Чи хайрттайгаа цуг нилээд удаан хугацааг өнгөрүүллээ. “Гэрлэх” гэдэг үг ч та хоёрын яриан дунд нэг хоёр удаа хавчуулагдаад авлаа. Тэр чамтай гэрлэмээр байгаагаа илэрхийлсэн боловч хуримын саналаа яг хэзээ тавихыг чи таамаглаж мэдэхгүй л байгаа байх. Эсвэл бүр гэрлэх санал баттай тавих эсэхт нь ч эргэлзэж байж мэднэ.

Бэлэн байгаарай: Түүнийг гэрлэх санал тавих гэж байгааг илтгэх шинжүүд

Зарим эрчүүд гэрлэлт гэдэг үгнээс зугтаадаг боловч, зарим нь зүгээр л зөв цаг нь ирэхийг хүлээж байдаг. Энэ бол түүний амьдралдаа тавих хамгийн чухал асуулт учраас, түүнд бэлдэх бас хүлээх хугацаа хэрэгтэй байх нь аргагүй шүү дээ. Хэрэв тэр сүүлийн үед нэг л сонин аашлаад чамайг бүр эргэлзүүлээд хаячихаж байгаа бол дараах шинжүүдээр түүнийг чухал асуулта атваих гэж байгаа эсэхийг сонжъё.

Тэр цочирдсон эсвэл сандарсан мэт аашлаад байгаа
Ихэнх эрчүүд гэрлэх санал тавих нь дөхөөд ирэхээр яахаа мэдэхээ больж сандардаг. Тодорхойгүй байдал, цухалдал, айдас-эр хүнийг амьдралынхаа хамгийн чухал шийдвэрийг гаргахын өмнөхөн энэ бүгд түүнийг нөмрөн авдаг. Тэр чамаас нууцаар олон зүйл төлөвлөж байгаа учраас, жаахан нууцлагдмал болж мэднэ. Эсвэл тэр чамаас өмнөхөөсөө илүү олон зүйлийг шаардаж эхэлж ч магадгүй. Мэдээж, ямар ч эр хүн чамайг баталгаатай “Тийм” гэж хэлнэ гэдгийг мэдэхээсээ нааш гэрлэх санал тавихыг хүсэхгүй. Тиймээс магадгүй тэр чамаас эргүүлээд ямар хариу сонсохоо мэдэхийн тулд “Би чамд хайртай” гэдэг үгийг, эсвэл үүнтэй төстэй үгсийг байн байн хэлж эхлэх болно.

Тэр чиний эрдэнэсийн хайрцагны ойр хавиар их эргэлдэж байгаа
Хэрэв тэр чиний бөгжний хэмжээг мэдэхгүй бол санаа олж авахын тулд гоёл чимэглэлийн чинь хайрцгийг гэнэт ухаж үзэх юм уу, ойр хавиар нь их эргэлдэж мэднэ. Чиний аль нэг бөгж алга болсон байвал битгий цочирдоорой. Тэр чамайг ямар шигтгээтэй бөгж сонирхдог болохыг харах гэж авсан байж мэднэ. Ихэнх эрчүүдэд чиний ойрын найз бүсгүй, ээж юм уу эгчээс чинь асуух зориг байдаггүй, эсвэл тэдэнд мэдэгдүүлэхийг хүсдэггүй. Хэрэв чиний гоёл чимэглэлийн хайрцганд маш олон төрлийн бөгж, эдлэл байдаг бол тэр магадгүй их удаан “судалгаа” хийх ч хэрэгтэй болж мэднэ. Тиймээс энэ шинжийг түүнээс хайгаарай.

Тэр гэрлэлтийн тухай өмнөхөөсөө их ярьж эхэлсэн
Өмнө нь хэлсэнчлэн хэрэв эрэгтэй хүн гоонь эрийн амьдралыг сонгосон, эсвэл чамайг заяаныхаа хань мөн гэдэгт итгэлгүй байвал гэрлэлт гэдэг үгнээс ихэд зугтаах нь ажиглагдах болно. Харин тэр гэрлэлтэнд нээлттэй ханддаг нэгэн бол тэр гэнэ гэнэ энэ тухай ам цухуйлгана. Харилцаа чинь үргэлжлэх тусам түүний энэ сэдвийн талаар ам нээх нь улам ихэсч, яриан дунд чинь энэ тухай хэд хэд дурдагдах болно. Тэгэнгээ тэр чамайг өөрийн гэрлэх хүн баттай мөн гэдгийг таньж мэдэж байгаа хэрэг.

Тэр тусдаа байр авах тухай ярьж байгаа
Хэрэв тэр түрээсийн байрнаасаа гараад тусдаа шинэ байр авахааар төлөвлөж байгаа тухайгаа ярьвал энэ нь тэндээ ганцаараа ч биш, чамтай цуг амьдрахаар төлөвлөж буйн шинж байж болох юм. Тэр хүүхдүүдээ тоглуулах аятайхан тоглоомын талбайтай байр, эсвэл сургуулиудтай ойрхон газар хайх тухай ярьж байгаа бол мөн л энэ шинжинд хамаарна. Энэ нь түүнийг түр зуурдаа толгой хоргодох газар биш, ямар ч байсан 5-аас дээш жил амьдрах орор гэр хайж байгааг нь илтгэж байна. Тиймээс хэрэв тэр чамайг ирээдүйн төлөвлөгөөндөө оруулсан бол, байр сонгохдоо чамаас туслалцаа хүсэх болно.

Тэр сүүлийн үед мөнгөө өмнөхөөсөө илүү хэмнэж, урт хугацааны хадгаламж нээхээр төлөвлөж байгаа
Ихэнх эрчүүд эдийн засгийн хувьд гэр бүлээ авч явах найдвартай артай болтлоо гэрлэх санал тавихыг хойшлуулдаг. Сүйн бөгж худалдаж авахад мөнгө хуримтлуулах хэрэг гарах учраас түүнийг жаахан “харамч” болоод эхэлвэл битгий гайхаарай гэж захья. Бөгжнөөс гадна шинэ байр, тавилга гээд маш их хэмжээний зарлага гарах учраас тэр гадуур хооллохын оронд өөрсдөө хоолоо хийхийг их санал болгож, кино жүжиг үзье гэж хэлэх нь багасах байх. Чи “мөнгөний магнат”-тай л гэрлэх гээгүй юм бол, ихэнх эрчүүдэд гэрлэлтэндээ зориулж мөнгө хураах шаардлага тулгардаг гэдгийг ойлгоорой. Тиймээс гэнэтхэн хямдхан эдлэл хэрэглэл сонирховол үүнийг сайны дохионд тооц. Та хоёр орон байраа хоёулаа нийлж босгохоор тохиролцсон байсан ч, тэр эр хүн учраас ихэнх зарлагыг өөрөөсөө гаргахаар тооцож байгаа нь лавтай.

Тэр найз залуу шиг биш, нөхөр шиг аашилж эхэлсэн
Тэр өмнөхөөсөө юм юманд арай илүү хариуцлагатай хандаж эхлэх нь мэдэгдсэн үү? Эсвэл илүү аж ахуйч ч юм уу? Тэр танай гэрт ихэвчлэнг хооллож, playstation 3-аа хойш нь шидчихээд чамтай цуг хөнжилдөө хэвтэхийг илүүд үзэх болно. Ихэнх эрчүүд өөрсдийгөө “гоонь эр”-ийн тохируулга дээр нь тавичихсан үедээ, “би”гэдэг үгийг их хэрэглэж өөрийнхөө хийх юмыг л зохицуулж явдаг. Харин гэрлэхээр шийдсэн бол “хоёулаа”, “бид” гэдэг үг амнаас нь их гара ба найзууд нь хоёрт тавигдаж эхэлнэ. Тэр чамд хань нөхөр шиг халамж анхаарал тавьж эхлэх нь чамайг өөрийн эхнэр болгохыг хүссэнтэй холбоотой.

Тэр аав ээжтэй чинь илүү ойр байж эхэлсэн, ялангуяа аавтай чинь
Хэрэв танай аав, найз залуу хоёр чинь гэнэт л учиргүй сайн “анд нөхөд” болоод байвал тэр чиний өмнө өвдөг сөхрөн, гуйхад бэлдээд байгаа бололтой. Уламжлалт сэтгэлгээтэй эр хүний хувьд айлын охин үрийг гуйхынхаа өмнө эхлээд аав ээжид нь өөрийгөө хүлээн зөвшөөрүүлэх ёстой гэж боддог. Тиймээс тэр аавтай чинь дотно танилцаж, түүнийг ямар эр болохыг нь мэдэхийг хүсч байгаа аж.

Тэр гэнэтийн төлөвлөгөө гаргасан
Ихэвчлэн эрчүүд авах хүнсний жагсаалт гаргахдаа ч, театрт ороод ямар кино үзэхээ ч шийдэхдээ тун муу байдаг. Тэгсэн хирнээ тэр гэнэт дуртай ресторанд чинь оройн хоолны захиалга өгч, эсвэл амралтын өдрүүдээр хаа нэг тийшээ явах төлөвлөгөө гаргаад байвал тэр гэрлэх саналаа тэнд тавихаар төлөвлөж байж мэднэ. Эр хүн бүр хайртай бүсгүйнхээ хувьд онцгой орчинг бүрдүүлэхийг хүсдэг. Тиймээс төгс гэрлэх саналыг тавихын тулд тэр нилээд төлөвлөсөн байж таарна. Энэ бол хамгийн ойлгомжтой бөгөөд түргэн хугацааны шинж тэмдэг. Тиймээс бэлтгэлтэй байгаарай хатагтай минь!

Та жолооч бол Like дарж Petrovis-ийн хуудаст нэгдээрэй. Бид 7-р сарын 1 хүртэл Like дарсан хэрэглэгчдээс нэгийг сонгож 50 000 төгрөгийн шатахууны эрхээр шагнана.

Эх сурвалж: Охид бүсгүйчүүдийн онлайн найз Гоолингоо.мн
  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(488)   Хаалтанд байгаа 3 оронтой тоог оруулна уу!

Сүүлийн сэтгэгдэл

  • Та анхны шөнийнхөө төлөө харамсдаг уу?
    Bi odoo 18tai mnai nzuud bolon uyin ohiduudiin ihenhi n huntei untsan bdag. Harin bi ene anhnii shono gedeg zuilees aidag. Ovdoltoos bish daraa n garah ur dungees n.
  • Та анхны шөнийнхөө төлөө харамсдаг уу?
    Bi odoo 18tai mnai nzuud bolon uyin ohiduudiin ihenhi n huntei untsan bdag. Harin bi ene anhnii shono gedeg zuilees aidag. Ovdoltoos bish daraa n garah ur dungees n.
  • Та бүгдээс илүү!
    yag unen! humuus unshaad oilgoj byasalgaj amidraldaa heregjuuleesei!
  • Та бүгдээс илүү!
    Sn bna uu goolingoo ta deer ued tawij baisan ordnuudad zoriulsan uram ogson zahiagaa dahiad neg tawij ogooch guij bna
  • Та бүгдээс илүү!
    Баярлалаа Гоолингоо үнэнч анд минь мянга мянган охид, бүсгүйчүүд, эмэгтэйчүүд бас зарим нэг эрчүүдэд дандаа хэрэгтэй зөвлөгөө, гайхалтай шинэ сэргэг мэдээлэл, сэтгэл зүрхний нарийн утсыг хөндөх гайхалтай зүйлсээр бэлэг барьдагт тань танай сайт руу орж мэдээллийг унших тусам та бүхнийг энэ гайхалтай сайхан бүхнийг яаж амжуулдаг байна аа гэж гайхах юм. Гэгээн сайхан бүхнийг хүсье...
  • Та бүгдээс илүү!
    absolutely..love it
  • Ярилцах сэдэв: Амьдралдаа гаргасан хамгийн том шийдвэр чинь юу вэ?
    Minii amidraliin xamgiin tom shiidwer gwl xuuxed ym daa. Olon xun olon l zuil zowloson ch etssiin shiidweriig bi gargadag. Tgd ter n "naddaa" xamgiin zow n bdag :) xun er n ooriinxoo az jargaliin toloo l shiidwer gargax xeregtei. Oor yuch bodox xereggui.
  • Ярилцах сэдэв: Амьдралдаа гаргасан хамгийн том шийдвэр чинь юу вэ?
    Odoogoor minii amidralda gargasan hamgiin tom shiidver bol egchiigee hort havdar tussaniig medeed hamtdaa Solongos yavah bsn um bn. Solongosoor A B ch bhgu bi angli helendee naidaad egchigee Solongosiin emnelegt sahihaar yavsan. Mongold ih surguuliinhaa hicheelees chuluu avch daraa n teriige nuhuj 2 dahin ih achaalaltai bhaa medseer bj yavsan yum da. Medeej tend egchteigee 2uulahnaa hunii nutagt unagan heliig n medehgu amidarn gedeg amargu bsn ch ndd mash ih zuilsiig oilguulj ugsun. Dunguj 20 hursen bi amidraliig shal oor nudeer hardag bolsn shu. Ue ue egchiigee emnelegt hevtsen ued n gantsaaraa amidardag bsn bolhoor door bichsen commenttei adil jhn zojigrood Bi Bi gesen uzel ihesdeg um bilee. Solongos yavah shiidver min ndd bsn mash olon surguuliin min carrieriig bhgu blgoson ch erguuleed amidariin tom tom surgamjuudiig ugsun
  • “Tatuka” – тай танилцсан 5 цаг
    Aa bas neg jijkeeen ayagatai aarts biluu yu biluu 250 getsen baisii, ene ingeed 250 umy? Yu yum bol geed asuusan chin 250 bish 2500 bgzdee geed uurlaad. 250 grj bichcheed
  • “Tatuka” – тай танилцсан 5 цаг
    Orj uzseen, zuugchiin handlaga erduusuu ch taalgdaagui ul tooson, duugarch yadaad utasaa oroldood l baisan. Emegtei zuugch n. Menu deerhiig haraad zogsoj bhd iim unetei shdee geel tenegteed.

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com