ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Илүүдэл үсээ зөв авах зааварчилгаа

Гоо сайхан  | 2012 / 07 / 02

Гар хөл суга цээжний илүүдэл үсийг арилгах төрөл бүрийн арга манайд дэлгэрээд байгаа. Тэдгээрээс бүсгүйчүүдийн маань хамгийн түгээмэл хэрэглэдэг татуурга, болон ваксаар арилгах аргын зааварчилгааг хүргэж байна. Ургалтын хугацааг хамгийн удаан барих түлхүүр нь үсээ зөв авах юм.

Илүүдэл үсээ зөв авах зааварчилгаа

Татуургаар хусах

1. Зөв татуурга авах
Ямар татуурга хэрэглэснээс үсний ургалт, арьсны толигор байдал ихээхэн хамааралтай. Нэг удаагийн, ганц иртэй татуурганы эрин ард хоцорсон. Одоо гадуур олон янзын брэндийн 5 хүртэлх тооны иртэй, үсийг угаас нь эхэлж өргөөд арьстай хамгийн ойроос хусдаг татуурганууд худалдаалагдах болсон. Арьс арчилгааны бүтээгдэхүүний тасгаас тусгайлан авахыг зөвлөж байна. Мөн татуурганы ирийг арьсан дээгүүр зөөлөн гулгадаг байхад, хөөсийг хамж авахад болон шарх сорви үлдээхгүй байхад зориулагдсан зөөлөн пластик сэрвээ юм уу чийгшүүлэгч наалттай төрлүүд ч элбэг болсон. Худалгдагчаас асуухаасаа бүү ичээрэй. Толгой хэсэг нь тэнхлэгээ дагаж нааш цааш хөдөлдөг татуурга сонго. Тэгвэл өвдөг болон шагай хэсгийн хүрэхэд хэцүү газруудын үсийг хусахад хялбар байх болно. Гарт эвтэйхэн иштэй байвал шүршүүрт орж байхад гараас мултарч унахгүй. Мөн сайн чанарын татуургууд янз бүрийн тод өнгөтэй байдаг учраас өөрийнхөө таашаалд нийцүүлэн сонгоорой.

2. Зөв бэлтгэх
Орноосоо үсэрч босоод л шүршүүрт оронгуутаа үсээ хусч эхэлдэг зуршилтай юу? Тэгвэл боссоноосоо хойш 20 минут орчим хүлээж сур. Өглөө хүний арьс бага зэрэг хөөж, хавагнасан байдаг учраас хуссаны дараа үрэвсэж, улайж мэднэ. Дээрээс нь хагас дутуу авагдах магадлал өндөртэй. Хусахад бэлэн болмогцоо 3 минут бүлээн усанд норгох нь үсийг зөөллөн, үсний сувгуудыг нээж арьсыг тайвшруулна. Ялангуяа ширүүн үстэй бол энэ алхмыг алгасахгүй байх нь чухал.

3. Зориулалтын хөөс түрх
Үс хусахад зориулагдсан тусгай хөө, гел нь татуургыг арьсан дээгүүр зөөлөн гулгаж, шарх сорви үлдээхгүй байхад, мөн үсийг бүр угаас нь хусахад тусална. Түүнээс гадна хөөс, гел нь үснээс гадна арьсыг ч бас зөөлрүүлж чийгшүүлдэг учир амархан авагдахаас гадна угаасны дараа хөл гар чинь толигор болно. Крем, хөөсөө түрхэснээсээ хойш 3-4 минутын дараа хусч эхлээрэй. Энэ хооронд үс чинь авагдахад бэлэн болсон байх болно.

4. Татуурга хэрэглэх арга барил
Татуурга үйлдвэрлэгчид үйлчлүүлэгчиддээ үсээ ургасан чигийх нь дагуу хусахыг зөвлөдөг боловч, практик дээр ургасан чигийн эсрэг хусах нь илүү үр дүнтэй, сайн авагддаг. Гэвч хэрвээ чиний үс арьсан дотогшоогоо орчих гээд байдаг хандлагатай бол ургалтын чигийнх нь дагуу хусахыг зөвлөе. Дээрх хоёрын алийг нь ч сонгосон, арьсаа татаж, хөнгөхөн дараад, татуургаа зөөлөн явуулаарай. Аажуухнаар, дундуур нь аль болох таслалгүй уртаар хусвал сайн шүү. Нэг явуулсан газраа дахин явуулахгүй байхыг хичээ, эс тэгвэл арьс цочирч шархлах магадлалтай. Бүх хэсгийн үсийг хуссаныхаа дараа усаар зайл.

5. Дараах арчилгаа
Хуссан хэсгээ алчуураар арчаад, зөөлөн чийгшүүлэгч лосьон түрх. Анхилам үнэртэй тосноос зайлсхий, эдгээр нь дөнгөж үсний суваг нь нээгдсэн арьсыг цочрооно. В витамины мэтийн натураль тос хэрэглэ.

Ваксаар хуулах

Үсийг татуургаар хусах нь хамгийн хямд, бөгөөд өвдөлтгүй сонголт юм. Гэвч татуургаар авсны дараа үс нь өмнөхөөсөө илүү буржгар, өтгөн болж хурдан ургадаг сул талтай. Үс гуужуулж арилгадаг тоснууд байдаг ч тэдгээр нь эмзэг арьсыг үрэвсүүлж улайлгах магадлалтай. Лазерын туяагаар арьсны доорх үсний уутанцарт нөлөөлж 10 хүртэлх жилээр үсний ургалтыг зогсоодог эмчилгээ бас бий.

Ваксыг олон салон спад санал болгодог ба үсний ургалтыг хоёроос гурван долоо хоногийн турш барьдгаараа онцлог. Нэг гэм нь үс авах явцад жаахан өвдөж болзошгүй. Халуун ба хүйтэн гэсэн хоёр төрөлтэй.

1. Гэрийн нөхцөлд халуун ваксыг хэрэглэх нь
Халуун вакс хэрэглэхээсээ өмнө арьсаа савангаар угааж цэвэрлээд үсийг дунджаар 7 мм-ийн урттай болгож хайчилна. Ялангуяа суга, цээж, умдагны үсийг авах гэж байгаа тохиолдолд зайлшгүй ингэж богиносгох ёстой. Савтай ваксаа буцламгай халуун усанд хийж хайлуулаад, дотор нь цаанаасаа дагалдаж ирдэг халуун хэмжигч индикатороо хийж үзээд хэм нь тохиромжтой болмогц үстэй хэсэг дээрээ багахныг түрхэнэ. Ваксаа хөрөхөөс нь өмнө зориулалтын цаасан хуулгаа нааж арьсаа нэг гараараа дарж үл ялиг татаж байгаад огцом хуулна. Үснийхээ ургалтын эсрэг чиг лүү татаарай. Зарим вакс нь өөртөө өнхрүүш бүхий түрхэгчтэй байдаг. Түрхэгчийг нь шарах шүүгээнд биш халуун усанд хийж халаагаарай. Эс тэгвэл жигд бус халаалт нь ваксыг түлэх магадлалтай. Ваксдсаныхаа дараа зориулалтын крем юм уу сальфеткаар арьсан дээр үлдсэн хэсгүүдийг арилгана. Хоёр хоногийн турш ямар нэг үнэр бүхий нарны тос мөн дезодрант, сүрчиг хүргэхээс зайлсхий.

2. Гэрийн нөхцөлд хүйтэн ваксыг хэрэглэх нь
Хүйтэн ваксыг халаах шаардлагагүй. Цаанаасаа хуулагч цаасан дээр вакс түрхээстэй ирнэ. Вакстай цаасаа гадна талаас нь алгаараа үрж халаасныхаа дараа арьсан дээрээ наагаад, дахин үрж хэсэг хугацааны дараа огцом таталтаар үсийг хуулна. Зарим хүйтэн ваксыг алгаараа үрэх шаадлагагү байдаг. Халуун вакснаасаа арай илүү өвдөлт ихтэй боловч, үйлчилгээ нь ялгаагүй юм. Өмнөх болон дараах арчилгаа нь халуун вакстайгаа ижилхэн.

Өдөр бүр баярлах зүйл тохиолддогLike дарж баярлалаа хуудаст нэгдээрэй.

Эх сурвалж: Охид бүсгүйчүүдийн онлайн найз Гоолингоо.мн
  |  

Сэтгэгдэл бичих

Бусдыгаа хүндэлж эелдэг байгаа танд баярлалаа.

(841)   Хаалтанд байгаа 3 оронтой тоог оруулна уу!

Сүүлийн сэтгэгдэл

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com