Хэрэв таны анхны хайр гэнэт гарч ирвэл яах вэ?
“Ганцхан удаа, ганцхан, ганцхан...20 жил аль хэдийн өнгөрчихсөн шүү дээ. Уулзаж яагаад болохгүй гэж? Бүхнийг шинээр эхлэх боломж олдох ч юм билүү? Үгүй ээ, би чинь юугаа бодоод байна аа. Өдийг хүртэл хөлс хүчээ урсган босгосон энэ амьдралаа тэгээд яах болж байна?”
“Анхных” гэдэг тодотгол юм бүхэнд зөвхөн ганцхан удаа олгогддог. Анхны шохоорхол, анхны үнсэлт, анхны шөнө...бүгдээрээ ганц ганцхан удаа л болоод өнгөрнө. Хоёр дахиасаа эхлээд юугаараа ч юм хуучин юм шиг санагддаг учраас анхны бүхэн сэтгэлд хэзээд өчигдөр болсон юм шиг тод санагддаг байх. Тэднээс хамгийн нандин нь анхны хайр.
“Анхны хайр бүтдэггүй" гэж хэний ч юм номлосон гашуун бөгөөд итгэхэд хэцүү үг эцсийн эцэст үнэн болохыг ойлгож төгсдөг нь даанч олон. Тиймээс л бид бүгдийн ихэнх нь хоёр, гурав эсвэл дөрөв дэх хайрынхаа эхнэр нь болж, гэр бүлээ бий болгодог ч өнөөх л амьдралдаа эхний удаа эрэгтэй хүний гараас хөтлөж байсан мөч, түүний үнэр, хэлдэг байсан үг нь бидний цээжинд сэтгэлийн чимэг болон үлдээд, хэнд ч мэдэгдэхгүй тэрүүхэндээ гялалзсаар өнө удаан оршдог.
Хорин жилийн турш та түүнийг мартаагүй хэдий ч, дурсахгүй байхыг хичээн өдий зэрэгт хүрчээ. Хүүхэд тань хүртэл их сургуульд орох насанд хүрч. Харахад жаргалтай байгаа мэт боловч энэ хугацаанд таны “сурч авсан” бас нэг юм гэвэл үрээсээ нууцаар нөхөртэйгөө тар тур хийгээд авах. Хааяа хааяа ханийхаа хэлсэн сэтгэл шархлуулам үгийг бодон бодон нулимсаа арчихдаа хуучин хайраа өөрийн эрхгүй санагалзан дурсаж, залуу насандаа эргэн очих хүсэлд автагддаг зантай болчихно. Яг ийм үед тэр гарч иржээ.
“Өдий хүртэл бодохгүй өнгөрүүлсэн нэг ч өдөр байгаагүй”. Ингэж хэлэхэд нь та золтой л чихэндээ наасан гар утсаа алдчихаагүй. Гэвч ганцхан удаа уулзая гээд болздог байсан өнөөх л цэцэрлэгт хүрээлэнгийн нэрийг, өдөр, цагтай хэлэхэд хариу дуугарч чадаагүй. Иртэл чинь хүлээнэ шүү гэж тэр хэлсэн. Өдий насанд ийм романтик үгсийг анхныхаа хайраас сонсоно чинээ зүүдлээгүй явсан та очих үгүйдээ эргэлзсээр.
Ганцхан удаа уулзаад л болчихдог бол, өнөөдрийг хүртэл сэтгэлдээ төсөөлж ирсэн тэр хүслүүд тэгээд л дуусчихдаг бол сайхансан. Гэвч нэг уулзалт нь цаашид хоёр, гурав, дөрөв...хэд дэх ч удаагийн уулзалт болж үргэлжлэхийг хэн ч таашгүй. Өөрийнхөө сэтгэлд сохроор хөтлөгдөөд нөхөр хүүхдийнхээ өмнө нүгэл үйлдэх үү, аль эсвэл дараа нь харамсаж ч магадгүй сонголтыг хийх үү? Үсийг тань илдэг байсан тэр гарыг дахин атгаж үзэхийн тулд эрсдэлтэй зүйлийн хойноос ухаанаа алдан явах уу?
Өөрийгөө ийм нөхцөл байдалд оруулан бодоод үзвэл, та оюун санаа, зүрх сэтгэл хоёрынхоо алийг нь дагах байсан бол? Гоолингоогийн хонгор бүсгүйчүүдийнхээ өмнө шинэ санал асуулгыг эхлүүлж байна.
Хэрэв таны анхны хайр гэнэт гарч ирвэл яах вэ?
Сэтгэгдэл (7) | Хэвлэх | Үзсэн тоо: 62713 | | | |
Өмнөх мэдээлэл Та сексийн үеэр дур тавьсан юм шиг жүжиглэж байсан уу? |
Дараах мэдээлэл Та анхны шөнийнхөө төлөө харамсдаг уу? |
www.Acyy.me - Өөрийгөө олж, бусдыг тань
Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.
Бусад
- З.Халиун: Оршиж байгаа чинь л хангалттай үзэсгэлэнтэй
- Б.Хишигмаа: Эмэгтэй хүн өөрөө эхлээд хайрыг үлгэрлэх хэрэгтэй
- Үерхлээс гэр бүлийн харилцаа руу шилжихдээ хосууд юу, юуг “тохиролцох” хэрэгтэй вэ?
- Хосуудын харилцаанд сэв суулгадаг 8 алдаа
- Т.Аззаяа: Хүүхдээ төрүүлээд гэртээ суух цагийг дутуу үнэлж болохгүй
Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.
Сэтгэгдэл бичих
Сэтгэгдэл
Bi anhni hair nadad baisan vgvig neg l sanahgvi bna. Tedger zvils shohoorhol bsn bh. Ooroo oortogo yriltsah bayr hoor bsm bolwu. Bi degdej, derwiih nasanda dendvv ahadsan bsn bololtoi. Harin hen negnii hvrch bolomgvi orgil bn gdg bodhoos aimshigtai. Ene my buruu yu, eswel tedni buru yu. Sain medkvi bna. Law l hair bish gedegt itgeh hergte bh. Tged bodhoor bi er n durlaj bsn hvn mon vv.. Kkkk Gewch tsergiin zaluug zun ireheer l medreh bha. Magadgvi bi hvn hvleeh zurshiltai bha.
anhnii hair gnet garch irvel tgee l suuld yaaj saltsgaasiin ternees l shaltgaalah bhdaa
zaaval anxnii xair gej 1 yum xunii amidrald bx yostoi, tegeed teruundee xulegdej, odoogiin amidraldaa ergelzee uusgej bx yostoi yum bish yum bichixiin. yag bodit amidral deer er ch bai em ch bai anxnii xairand tegtlee xul aldaad dogdolj guigeed bdag xun xovor sh d. kino zoxiol ene terd yu yum gexees. er ni anxnii xair geed itgeed bgaa zuil chin uchirgui medexgui nyalx amitadiin setgeliin xuurul shuu d, uxaan suuj amidral uzsen xumuust yostoi xuuxdiin ineed bn
Хэдий анхны хайр үе үехэн бодогдож сайхан дурсамж сэргэдэг хэдий ч одоогийн нөхөртөө түүнд дурласан шигээ дурлаж байгаагүй ч одоо миний хань миний сонгосон амьдрал л хамгаас үнэтэй чухал ханиа л хүндэлж амьдрахыг хүснэ түүнийгээ хэнээр ч доромжлуулж гутаалгахгүй
uulzsan ch setgel xudluxgui ee, anxnii xair gej bodoj bsan zuil odoo deer bichsen shig tiim ch goyo bish sanagddag. taarval yaxav mend tudii medeel ungurux bx daa
Сонин юм аа, өнгөрсөн юм өнгөрсөндөө үлдэх ёстой юм биш үү, санал асуулга харж байхад ихэнхи л ямар нэгэн байдлаар уулзаж үзэхнээ. Тэхээр одоо цуг байгаа нөхөр нь бол үргэлж зүрх сэтгэлд нь 2т явдаг байх нь байна шүү дээ. 2. Уулзахгүй. Энэ бол гэр бүлийн минь хувьд хууран мэхлэлт. Би эцсээ хүртэл үнэнч эхнэр хэвээрээ үлдмээр байна. Энэ ч бас зөв асуулт биш байна, Хууран мэхлэх гэж байгаадаа биш, Зүгээр сайхан дурсамж чигээрээ үлдэг, өнгөрсөн юм өнгөрсөндөө үлдэг гэж боддог сайхан Монгол бүсгүйчүүд зөндөө байдаг гэж боддог минь буруу л болж таараад байх шиг байна даа.
би хэзээ ч өөрийгөө хорьдгүй гэхдээ задгай биш мэдээж нөхөртөө хайртай хүндэлдэг гэхдээ амьдрал миний гарт би уулзаж таалагдвал дахин уулзана ингэлээ гээд гэр бүлээ орхихгүй гэр бүл хамгийн нэгдүгээрт