ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Бие давхар болох бэлтгэлээ хийцгээе

Эрүүл мэнд  | 2010 / 09 / 23

Одоогийн байдлаар та жирэмсэн болохоос айдаг байж магадгүй. Гэсэн ч та ирээдүйн ээжийн хувьд энэ нийтлэлийг заавал уншаарай. Эрт орой хэзээ нэг цагт бие давхар болоход яг одооноос л бэлдэж эхлэх хэрэгтэй хэд хэдэн зүйл байдаг аж.

1. Үргэлж аюулгүй бэлгийн амьдралыг сонго
Та найз залуугаа БЗХӨ-гүй гэдгийг нь баталгаатай мэдэхээс нааш хамгаалалтгүй хавьталд орохоос зайлсхий. Учир нь энэ төрлийн өвчнүүд эдгэсэн ч, биед бактер нь тодорхой хэмжээгээр үлдэх нь элбэг байдаг. Тиймээс таны жирэмслэх үйл явцад саад болох бүрэн боломжтой. Жишээ нь эрт авсан хламид амархан эмчлэгдэж болох ч, олон эмэгтэйчүүд энэ өвчний халдвар авснаа мэдэлгүй өнгөрдөг. Хэрэв та хамгаалалтгүй бэлгийн харьцаанд орвол заавал эмчид үзүүлж байгаарай.

2.Стрессээс гарах арга замаа ол
Хүн бүрт бухимдал, ядаргаагаа тайлах өөрийн гэсэн арга зам байдаг. Та хэрэв жирэмсэн болвол бухимдалд орж хэрхэвч болохгүй. Учир нь стресс ургийн хөгжил, бойжилт, таны эрүүл мэндэд ч олон сөрөг үр нөлөөтэй. Түүнээс гадна хэрэв та байнгын уур уцаартай байдаг бол таны жирэмслэх магадлал үгүй болохгүй ч төдий чинээгээр багасдаг гэдгийг саяхны судалгаа нотолж байна.

3.Тамхийг ор тас март
Олон эмэгтэйчүүд хааяа нэг үдэшлэгт гарсан үедээ, эсвэл тамхи татдаг найз охидтойгоо уулзсан үедээ тамхи татдаг гэсэн шалтгаанаар өөрийгөө тамхичинд тооцдоггүй. Гэвч хааяа нэг тамхилах нь хүртэл таны жирэмслэх магадлалыг ихээр бууруулна. Тамхинд агуулагддаг хорт бодис таны өндгөвчинд хромсомын гэмтэл учруулж, эстроген ялгаруулах чадварыг багасгана.

4.Өөрийн ээжийг энэ тал дээр асуудалтай байсан эсэхийг лавла
Таны ээж зөвхөн өөрийн бие галбир, сайхан царайгаа танд өвлүүлсэн юм биш шүү. Умайн хавдар, өндгөвчний үрэвсэл, мөн хэт эрт цэвэршилт нь бүгд удамших хандлага ихтэй ба жирэмслэлтэнд сөргөөр нөлөөлнө.

5.Далайн гаралтай зарим хоолноос татгалз
Халим, махчин загас, сэлмэн загас, хар амар загас зэрэг нь их хэмжээний мөнгөн усыг өөртөө агуулдаг. Энэ нь төрөхийн хүндрэл, үргүйдэлтийг үүсгэж болно. Гэвч бүх төрлийн загаснаас татгалзаж болохгүй. Тэд маш их уураг, шим тэжээлтэй гэдгийг битгий мартаарай.

6.Жингээ хэт их хасах хэрэггүй
Төрөхөд ч бас тохиромжтой жин гэж байдаг. Таны Body Mass Index буюу BMI 18,5-аас бага байвал та бие давхар болоход хангалтгүй гэсэн үг. /Хэвийн эмэгтэй хүнийх 20-25 байдаг/ Гэвч ээж болохдоо бэлтгэж байгаа маягаар хэт их таргалж болохгүй. BMI 30-аас хэтэрвэл мөн л жирэмслэхэд асуудалтай гэнэ. Та өөрийн BMI-аа энд дарж тооцоолно уу.
  |  

www.Acyy.me - Өөрийгөө олж, бусдыг тань

Энэ бол 365 хоногийн өдөр тус бүрт төрсөн алдартнууд гэх мэт 20,000 хүний амьдралын хэв маяг, үзэл бодол, чиг хандлагыг 40 жил судалж гаргасан цогц мэдээлэл болон суурь Астралоги дээр үндэслэсэн судалгааны материал юм. Үүнийг уншсан хүмүүсийн 90% нь өөртэй нь таарч байсан тухай хариу илгээсэн байна. Та зөвхөн өөрийнхөө талаар мэдээд зогсохгүй, гэр бүл, хайртай хүнээ илүү таньж мэдэх хүүхдийнхээ төрөлх онцлогийг мэдэх маш үнэтэй мэдээлэл олж авах болно.

Таны орд?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу!

Та саналаа өгсөнөөр Facebook дээрээ өөрийн ордны зурхайгаа хүлээн авч байх болно.

Сэтгэгдэл бичих

Бусдыгаа хүндэлж эелдэг байгаа танд баярлалаа.

(323)   Хаалтанд байгаа 3 оронтой тоог оруулна уу!

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com