ЭхлэлЗөвлөгөөСонжооФотоСанал асуулга Дэлгүүр хэсьеБайгууллагуудБрэндүүд

Жирэмсэн үед тохиолддог эмгэгүүд

Чөлөөт цаг  | 2007 / 08 / 01

Өтгөн хатах
Жирэмсний эрт үеэс эхлэн бие махбодод үүссэн дааврын хямралын улмаас өтгөн хатаж болно. Түүнчлэн цагаан гурилаар хийсэн талх, гурилан бүтээгдэхүүн байнга хэрэглэх, хөдөлгөөн багатай байх нь өтгөн хатах шалтгаан болдог. Энэ үед шингэн юм сайн ууж, хүнсний зүйлдээ талх, жимс, ногооны төрлийг голчлон хэрэглэх хэрэгтэй.

Хэрэв цөс чулуужих өвчингүй бол хоолны халбагаар нэг удаа наранцэцэгийн тос уух хэрэгтэй. Хоёр ширхэг алим угааж хальстай нь өлөн элгэн дээрээ идвэл сайн. Наранцэцгийн тос, давстай юмуу цэвэр буцалсан усаар клизм тавих нь үр дүнтэй. Гэхдээ шамбарамтай бол болгоомжтой хандаарай. Хэвлийн төрөл бүрийн дасгалууд ялангуяа дугуй унах гэж нэрлэгддэг дасгалыг хийснээр гэдэсний гүрвэлзэх хөдөлгөөнийг сайжруулан өтгөн хатахгүй болдог.

Нойргүйдэл
Жирэмсэн эмэгтэйн биеийн ерөнхий бодисын солилцоо идэвхжсэнтэй холбоотой нойргүйдэл илэрнэ. Жирэмсэн эмэгтэй хангалттай нойр авах нь зайлшгүй чухал. Нойргүйдлээс сэргийлэхийн тулд:
-Ургамлын гаралтай цай, сүү, зөгийн балтай цай уух,
-Унтахаас өмнө халуун бүлээн устай ваннад орох
-Унтахаас өмнө цэвэр агаараар амьсгалах

Даралт ихсэх
Цусны даралт дунджаар 90/60-120/80-ын хооронд хэлбэлздэг. Үүнээс ихсэх эсвэл буурах нь эмгэг юм. Иймээс жирэмслэхээс өмнө даралт тань хэвийн бус байгаа бол эмчлүүлэх хэрэгтэй. Зүрх судас, бөөрний өвчин, дотоод шүүрлийн булчирхайн эмгэгээс болж даралт ихэсдэг. Мөн сэтгэл санааны тавгүй байдалд орох, нойргүй болох, ядрах зэрэг нь цусны даралт ихсэхэд нөлөөлнө.

Шөрмөс татах
Шөрмөс татах эмгэг нь жирэмсний үед цөөнгүй тохиолдоно. Шалтгаан нь тодорхойгүй боловч цусанд кальцийн хэмжээ багассанаас үүсдэг гэсэн таамаглал байдаг. Гол төлөв шөний цагаар хөл, тавхайн шөрмөс татна. Шөрмөс таталтыг тавиулахын тулд шөрмөс татсан хэсэгт иллэг хийнэ.гараараа тавхайг дээш нь гэдийлгэхэд тавхайн шөрмөсний таталт тавигдана. Мөн кальцаар баялаг сүү, сүүн бүтээгдэхүүн хэрэглээрэй.

Зүрхний өвчин
Зүрхний өвчтэй эмэгтэйчүүд жирэмсэлж болохгүй гэж үздэг байсан үзэл бодол сүүлийн үед өөрчлөгдөөд байна. Гэхдээ зүрхний маш хүнд гажиг, хүнд өвчин амь насанд аюул учруулж болох тул холбогдох мэргэжлийн эмчээс зөвлөгөө аваарай.

Жирэмсэн үеийн хүндрэлүүд - Та
- 18-аас доош эсвэл 39-өөс дээш настай
- таваас дээш удаа төрсөн
- бага хүүхэд тань хоёр нас хүрээгүй
- эрхтэн тогтолцооны архаг хууч өвчтэй
- хоол тэжээлийн дутагдалтай байвал
- үр зулбаж байсан
- олон удаа үр хөндүүлж байсан бол жирэмсний, төрөх, төрсний дараах үеийн хүндрэл үүсэх өндөр эрсдэлтэй.

Зулбалт
Зулбалтын үндсэн шалтгаан:
- умайн хүзүү бүрэн хаагдахгүй байх
- умайн хүзүүний төрөлхийн гажиг
- эхнэр, нөхрийн цусны резус тохироо нийлээгүйгээс хүүхэд амьгүй болох
- дааврын дутагдлаас болж умайн дотор хана өсч бүрэлдэж буй хүүхдийн хөгжлийг тэтгэх, тэжээх чадваргүй байх
- умайн анатоми физиологийн дутмаг хөгжлөөс болж жирэмслэх, хүүхэд тээх чадваргүй байх,
- умайн хоргүй хавдартай байх
- эхсийн хөгжил бүрэн төгс бус, хүүхдийг тэжээж чадахгүй байх
- чихрийн шижин өвчтэй байх

Эхэс цагаас өмнө ховхрох
Хэвлийгээр хүчтэй базалж өвдөх, бие сулрах, толгой эргэх, дотор муухай оргих, хүйтэн хөлс дааварлах шинжүүд илэрнэ. Умайг тэмтрэхэд хатуу, эмзэглэлтэй болж, үтрээнээс цус гарна. Жирэмсний хожуу үед дээрх шинжүүд илэрвэл эмнэлэгт яаралтай хандах хэрэгтэй. Жирэмсний хожуу үеийн хордлого, цусны даралт ихсэх, бөөрний өвчин, олон удаа үр хөндүүлэх, хэвлий рүүгээ цохиулах зэрэг нь эхэс цагаасаа өмнө ховхрохын шалтгаан болдог.

Цус багадалт
Жирэмсний үед бие махбодод төмрийн хэрэгцээ эрс нэмэгддэг тул эхчүүдийн дунд цус багадалт цөөнгүй тохиолддог. Цус багадалт нь хоол тэжээлийн дутагдалтай, архаг хууч өвчтэй, олон төрсөн эсвэл үр хөндүүлж байсан, цус алдаж байсан эхчүүдэд илүүтэй илэрдэг.
Амархан ядарч сульдах, толгой эргэх, нүд эрээлжлэх, арьс цонхийх, үс унах зэрэг шинжээр илэрнэ. Цус багадалттай эх жирэмсний явцад биеийн ерөнхий байдал сулрах, үр зулбах, дутуу төрөх, төрөх үед цус алдах, төрсний дараа үжил халдвараар хүндрэх нь цөөнгүй тохиолддог. Ураг хэвлийдээ бүтэх, дутуу төрөх, хүүхэд хугацаандаа төрсөн ч сул дорой биетэй байх нь элбэг. Цус багадалтаас сэргийлэхийн тулд жирэмсний үед төмөр-фолийн хүчил агуулсан бэлдмэлүүдийг тогтмол хэрэглээрэй. Уг бэлдмэлийг та өрхийн болон эх барих эмэгтэйчүүдийн эмчээс үнэгүй авч болно.

Бие хавагнах
Жирэмсний 20 долоо хоногоос хойш таны биеийн жин нэмэгдсэнээс шилбээр бага зэрэг хавагнаж болно. Энэ нь таны болоод хүүхдийн эрүүл мэндэд ноцтой аюул учруулахгүй ч хяналтын эмчдээ заавал хэлээрэй. Жирэмсний сүүлийн хагаст шилбэнээс гадна хөл, нүүр, гар, хэвлийгээр хавагнах нь жирэмсний хожуу үеийн хордлогын шинж байдаг. Биеийн жин огцом буюу долоо хоногт нэг кг-аас илүү нэмэгдэх нь далд хавагнаж буйн шинж юм. Шээсэнд хэвийн хэмжээнээс илүү уураг илрэх нь мөн хожуу үеийн хордлогын шинж бөгөөд шээс хөөсөрч гарах шинжээр илэрнэ.

Үтрээнээс цус гарах
Жирэмсний эхний хагаст буюу дөрвөн сартайгаас өмнө үтрээнээс цус гарах нь үр хөврөл зулбаж байгаа эсвэл умайн гадуурх жирэмслэлтийн шинж байж болно. Хэрэв жирэмсний сүүлийн хагаст, мөн төрөлт эхлэхэд цус гарвал эхэс умайн хананаас цагаасаа өмнө ховхорч байгаа болон эхэс түрүүлж төрөх гэж байж болзошгүй.

Зөвлөгөө
Жирэмсэн үеийн хүндрэлээс хэрхэн сэргийлэх вэ?
• Жирэмсний хяналтад эрт буюу эхний гурван сарын дотор орж, цаашид байнга эмчийн хяналтад байх,
• Эмчээсээ жирэмсэн үеийн ажил, амралт, хоолны дэглэм, тохиолдож болох хүндрэлүүдийн тухай зөвлөгөө авч мөрдөх,
• Цус багадалтаас сэргийлэх болон цус багадалтыг эмчлэхэд төмөр-фолийн хүчлийн бэлдмэлийг зөвхөн зааврын дагуу хэрэглэх,
• Хэрэв танд архаг хууч өвчин, ялангуяа бөөр, шээсний замын эмгэгтэй бол цаг тухайд нь тууштай эмчлүүлэх, өвчилсөн тохиолдолд яаралтай эмчид үзүүлж эмчлүүлэх,
• Хэрэв та жирэмсний хожуу үеийн хордлоготой бол төрөхөөс хоёр долоо хоногийн өмнө эх барихын тусламж үзүүлэх эмнэлэгт хэвтэж байнгын хяналтад байх шаардлагатай.

Эхийн хэвлийд байгаа хүүхэд эхийн цуснаас хүчилтөрөгчийг ихээр хэрэглэдэг. Жирэмсэн эхчүүд цэвэр агаарт тогтмол салхилах нь хүүхдийн өсөлтөд сайн нөлөөтэй. Өдөрт нэгээс хоёр минутын хугацаатай ойр ойрхон 5 удаа гүнзгий амьсгалах дасгал ч хийж болно. Энэ нь ялангуяа жирэмсний хожуу хордлогын үед сайн нөлөөтэй.

Жирэмсэн үедээ та өөрөө тамхи татах, эсвэл тамхиний утаатай орчинд байх нь хэвлийдээ байгаа ургийг зориудаар хордуулахтай адил юм. Мөн жирэмсний үед архи болон, бусад согтууруулах ундааг хэрэглэхгүй байх нь чухал.

Жирэмсний хугацаанд хэрэглэсэн ихэнх эмүүд эхийн цусаар дамжин урагт нөлөөлдөг тул та өвчилсөн тохиолдолд заавал эмчид үзүүлж, зөвхөн эмчийн зааврын дагуу эм, тариа хэрэглээрэй.

Урагт зориулсан дасгал хийхээс гадна төрөлтөд бэлдэх, төрсний дараа эх биеийн галбираа хадгалах зорилгоор хэвлийн, аарцаг, хярзан, таазны хөндийн дасгал хийнэ.

Доорх шинжүүд илэрвэл цаг алдалгүй эмчид үзүүлээрэй
-Үтрээнээс цусархаг ялгадас гарах,
-Хэвлийгээр базалж өвдөх,
-Гэнэт хүчтэй өвдөх,
-Гэнэт толгой эргэх, дотор муухайрах,
-Хүйтэн хөлс гарч, нүд харанхуйлах,
-Нүүр, гар, шилбээр хавагнах,
-Толгой өвдөх,
-Нүд бүрэлзэх,
-Шилэн хүзүүгээр хөшиж өвдөх,
-Цусны даралт 140/100 мм-ээс ихсэх шинжүүд илэрвэл,

Бэлгийн харилцаа
Жирэмсэн үед анхаарвал зохих асуудлуудын нэг нь бэлгийн харилцаа юм.
Эмэгтэй хүн жирэмсэн үедээ өмнөх шигээ эр нөхөртөө хандаж чаддаггүй. Жирэмсний эхний саруудад эмчийн зөвлөснөөр заавал хориглох шалтгаан /өмнө нь зулбаж байсан, дутуу төрж байсан г.м/ байхгүй, жирэмслэлт хэвийн явагдаж байвал бэлгийн хэвийн амьдралаас татгалзах шаардлагагүй. Өмнөх жирэмслэлтийн үед зулбадаг зэрэг ужиг зуршилтай эмэгтэйчүүд жирэмсний эрт хугацаанд бэлгийн хавьтал үйлдэж хэрхэвч болохгүй.
Харин жирэмсний сүүлийн саруудад бэлгийн харилцаанд орох үед умайн булчин агших талтай гэдгийг анхаар. Умайн хана хатуурч овойж байгаагаар та энэхүү агшилтыг мэдэрч болно. Бэлгийн хавьтлын дараа умайн булчин агшиж хатуураад эвгүй мэдрэмж мэдэгдвэл агшилт сулартал тайван хэвтэж амрах хэрэгтэй.
Мөн хэвлий томрохын хирээр бэлгийн ажил хийх байрлалаа ч эвтэйхэн болгон өөрчлөх шаардлагатай.
Та бэлгийн хавьтал хийхдээ хэвийнхээс илүү ядрах, сэтгэл хөдлөл ихтэй байж болох бөгөөд нөхөрт тань ч жирэмсэн үеийн бэлгийн харилцаа зарим талаараа хэцүү мэт санагдаж магадгүй. Тиймээс та хоёр бие биендээ амрах бололцоо олгож, аливаа бэрхшээлтэй асуудлыг хамтран ярилцаж шийдэж байгаарай.

Өдөр бүр баярлах зүйл тохиолддогLike дарж баярлалаа хуудаст нэгдээрэй.

Эх сурвалж: Охид бүсгүйчүүдийн онлайн найз Гоолингоо.мн
  |  
Өмнөх мэдээлэл
Эвгүй үнэрийг арилгах
Дараах мэдээлэл
Төөрөг тавилан

Сэтгэгдэл бичих

Бусдыгаа хүндэлж эелдэг байгаа танд баярлалаа.

(304)   Хаалтанд байгаа 3 оронтой тоог оруулна уу!

Сэтгэгдэл

Зочин: Uugii.   2015-06-13
hi bi odoo 4 sartai 2dahi torolt mash hund hordlogo ogdog swedend amidardag end uudag em bdg 12 tsagiin zaitai uuchad mash sn nolooldog mgld bdag uguig sn medehgui bn

Зочин: Zochin.   2011-04-04
sain baina uu? bi 6n 7 honogtoi. Hordlogo uguud, dotor muuhairad,,ugluugur shar nogoon zuileer buuljuud, huls garad daarahaar l bie zarzaigaad bh yum nadad Zuvluuch turshlagatai eej naraa plz

Зочин: helloo.   2011-01-18
hi nzuudaa bi odoo 38n 7 honogtoi minii tolgi suuliin ued mash ergej teged huls garch baga zereg hawagnaj bgaach emchdee heleheer eruusuu tooj bgaa ym bhguimaa bi yawal deer we bas anh udaa turuh gej bgaa bolohoor yaj uwddug uwdwul yahiig sain medehgui bn aa nadad zuwluuch

Зочин: zulaa.   2010-01-03
Amy chamd ogoh neg zovolgoo bn hordlogo ogood hetsuu bgaa ued dandaa aduunii mahaar shol hiij ideed baih ih sn gej sonsson huuhded ch bas sn gej bsan nadad itgevel turshaad uzeerei bi ooroo anagaahiin hun.

Зочин: Amy.   2009-12-07
Hi bi odoo jiremsen sar garantai hordlogo uguud vheh nee. Yamar negen arga b.a uu? bainga dotor muuhai orgiod yu ch idsen buuljuud bas yadraad baih yum aa?

Зочин: gvnj.   2008-11-21
hi all.bi 23ta.bvgded n ene udriin mend.bi jiremsen boloh mash ih hvselte bgaa.tegeed odoo jiremsen boltson gj bodood bn.tegeed odoo 7-10 honog boljiin.dunguj jitemsen bolood 7-10 honogtoi bhad dawsgaar uwchin orj sawaar hatgaj neg l hunduur bgaad tegeed bie neg l yadruu bdag bolowuu?miniih oird tiim shinj temdeg ilreed bgaa.nadad hariulaad uguuch hvmvvsee, bvsgvichvvdee!

Зочин: urnaa.   2008-11-06
ih heregtei zuvluguu bainaa. bi 23 7 honogtoi jiremsen.utgun hataad, shurmus tataad oirdoo ih hetsuu baisan. zuvluguug unshaaad uurtuu heregtei medeeellee avlaa. bayarlalaa

Зочин: n.   2008-10-29
jiremslesnees hoish belgin haritsaand orohgui bh ni turuhud muu bishe.bi ev eruul huurhun ohintoi bolson.

Зочин: Nature's Cure.   2008-10-29
Sormuus humsug utguruulj urguuldag america tos bolon Nature's Cure brand-iin eregtei emegtei batganii undur uilchilgeetei buteegdehuun zarna. Utas:91997448

Зочин: saraa.   2008-08-21
Bi 6 doloon honogtoi jiremsen. Getel emch uzeed mini huuhed 4 doloon hongotoi shig jijighen bna, barag usult n zogsson yum shig bna geed baih yum, ta nart tiim yavdal tohioldoj baiv uu?

Зочин: xxx.   2008-05-06
mash heregtei zuvluguu bna.bayarlalaa. Uyangad helehed iim ert havagnaj bgaa bol emchid uzuulsen ni deer yum bishuu?udval ulam hunderdeg gesen.gehdee sanaa bitgii zovooroi. OK?

Зочин: Uyanga.   2008-04-04
mash ih bayarlalaa. Uneheer heregtei medeelel bna. Bi 2 sartai jiremsen tegsen hernee holooroo havnaad baih yum. Sain yum bol uu ali esevel muu yum bol uu?

Зочин: enkhchimeg.   2008-03-13
Uneheer heregtei medeelel b.na mash ikh bayarlalaa Jiremsen ued nuruugaar ikh ovdoh ni heviin yum uu ali esvel...

Зочин: suvda.   2007-10-24
Shormos tatah ni kaliz bish magnesium dutsantai holbootoi shuu de!!!

Зочин: Hi busguichuudee.   2007-08-12
Jiremslesneesee hoish ogt belgiin haritsaand orohgui baisaar turuh sain uu muu yu?

Сүүлийн сэтгэгдэл

Санал асуулга

Таны хайртай хүнийг лам, зурхайч үзээд тохирохгүй гэвэл та яах вэ?


GOOLINGOO.mn © 2011 он.
Сайтын мэдээллийг ашигласан тохиолдолд нэрийг заавал дурьдана.
Утас: 88001760 И-мэйл: goolingoo@gmail.com